“Sürix” “Qarabağ”la oyunlar üçün 20 futboçu sifariş etdi

"Qarabağ"ın Çempionlar Liqasının 2-ci təsnifat mərhələsindəki rəqibi “Sürix” Ağdam təmsilçisi ilə oyunlar üçün iştirak ərizəsini açıqlayıb.

Futbolxeber.az saytının məlumatına görə, turnirə bu mərhələdən başlayacaq İsveçrə çempionu heyətə 20 futbolçu daxil edib.

Baş məşqçi Franko Fodanın sərəncamında “Qarabağ”la görüşlərdə 2 qapıçı, 5 müdafiəçi, 9 yarımmüdafiəçi və 4 hücumçu olacaq.

Qapıçılar: 1. Zivko Kostadinoviç, 25. Yanik Brexer

Müdafiəçilər: 2. Lindrit Kamberi, 6. Fidan Aliti, 19. Nikola Boraniyaşeviç, 28. Karol Mets, 31. Mirlind Kryeziu

Yarımmüdafiəçilər: 3. Adrian Gerrero, 8. Ole Selnes, 10. Antonio Markesano, 16. Mark Hornşux, 17. Çeyk Omar Konde, 21. Blerim Dzemaili, 23. Fabian Roner, 33. Stefan Seyler, 39. Akaki Qoqia

Hücumçular: 9. İan Santini, 11. Conatan Okita, 15. Ayequn Tosin, 22. Vilfred Qnonto.

Qeyd edək ki, “Qarabağ”la “Sürix” arasında iyulun 19-da Tofiq Bəhramov adına Respublika Stadionunda keçiriləcək ilk görüş saat 20:00-da başlayacaq. Komandaların cavab matçı isə iyulun 27-də Sürixdə oynanılacaq.