“Qarabağ” Avropa kubokunda “Zəngəzur” adı ilə çıxış edəcək”

Minifutbol üzrə Çempionlar Liqasının, həm də Avropa liqasının püşkatma mərhələsi keçirilib.

Futbolxeber.az saytının məlumatına görə, təmsilçilərimizin avrokuboklardakı çıxışı ilə bağlı klubların baş məşqçiləri və kapitanların iştirakı ilə mətbuat konfransı keçirilib.

Tədbiri açıq elan edən Minifutbol federasiyasının baş katibi Orxan Hüseynov əvvəlcə ilk dəfə 2 klubumuzun Çempionlar Liqasında yarışacağını diqqətə çatdırıb:

"Çempionlar Liqası üzrə turnir 2017-ci ildən keçirilir. 2018-ci ildə bu turnirdə ilk dəfə təmsil olunmuşuq. Sonrakı illərdə müəyyən səbəblərdən Azərbaycan təmsilçisi bu turnirdə olmayıb. Sonuncu dəfə isə 2022-ci ildə Azərbaycan çempionu bu turnirdə yer alıb. Bu dəfə artıq 2 təmsilçimiz Çempinlar Liqasında iştirak edəcək. Bu il turnirdə nəticə əldə etmək şanslarımız daha çoxdur. Ev sahibi Rumıniya istisna olmaqla, bütün ölkələr 2 komanda ilə təmsil olunur”.

O.Hüseynov bildirib ki, ötən mövsüm ölkə çempinatında bürünc medal qazanan “Qarabağ” Bolqarıstanda təşkil olunacaq Avropa kubokunda “Zəngəzur” adı ilə yarışacaq:

“Qarabağ” son mövsüm ölkə çempionatında bürünc medal qazanıb. Lakin Avropa kubokunda “Qarabağ” "Zəngəzur" adı ilə çıxış edəcək. Həmin turnirdə daha çox komanda mübarizə aparacaq. Təmsilçimizin yaxşı nəticə qazanmaq şansı yüksəkdir”.