Lunyov: “Qarabağ”ın qrupdan çıxmaq şansı digər komandalarla eynidi”

“Qarabağ”ın qapıçısı Andrey Lunyov UEFA Avropa Liqasının qrup mərhələsinin püşkünü dəyərləndirib.

Futbolxeber.az saytının məlumatına görə, rusiyalı qolkiper TASS-a açıqlamasında qrupdakı 4 komandanın da şansının eyni olduğunu söyləyib:

“Qarabağ”ın qrupdan çıxmaq şansı digər komandalarla eynidi. Hər şey bizim oyunumuzdan asılıdı. Yaxşı çıxış etməli, xarakter göstərməliyik”.

Lunyov sabiq klubu “Bayer Leverkuzen”in “Qarabağ”a rəqib olmasına da toxunub:

“Təbii ki, emosiyalar müsbətdi. “Bayer Leverkuzen”lə bir qrupa düşdüyümüz üçün şadam. Yaxşı hazırlaşacağıq. Leverkuzen klubunun heyətində güclü oyunçular var. Düşünürəm ki, baxımlı futbol olacaq”.

Xatırladaq ki, “Qarabağ” H qrupunda “Bayer Leverkuzen”, “Mölde” və “Hakken”lə mübarizə aparacaq.

Əlavə edək ki, Lunyov 2021-2023-cü illər aralığında “Bayer Leverkuzen”də çıxış edib.