“İkinci hissədə gücümüz qalmadı”

“Komandanın son bir həftədə keçirilən məşqlərindən sonra bugünkü oyun göstərdi ki, fiziki hazırlığımız istənilən səviyyədə deyil. İkinci hissədə futbolçularda güc qalmadı, müdafiədə oynadıq”. Futbolxeber.az-ın məlumatına görə, bu sözləri “Neftçi” ilə oyundan sonar “Rəvan”ın baş məşqçisi Şahin Diniyev deyib. Təcrübəli mütəxəssis rəqibin qələbəyə layiq olduğunu bildirib: “İlk hissədə Miloş Adamoviçə topa nəzarət etmək tapşırığı verilmişdi, öhdəsindən gələ bilmədiyi üçün əvəzləndi. Fikrimcə, “Neftçi” göstərdiyi oyunla qələbəyə layiq idi. Rəqib futbolçuların ustalıq səviyyəsi çox üstün idi. Komandanın oyununda çatışmazlıqlar var, bunları aradan qaldırmağa çalışacağıq”.