"Baş məşqçimiz şans versə..."

UEFA Avropa Liqasının qrup mərhələsinin VI turunun “Qəbələ” - “Krasnodar” (Rusiya) oyunundan əvvəl keçirilən mətbuat konfransında “qırmızı-qaralar”ın futbolçusu Ürfan Abbasov da iştirak edib. Müdafiəçinin fikirlərini sizlərlə bölüşürük: “Sabahkı görüşdə meydana çıxacaq heyət müəyyənləşmədiyindən bu qarşılaşmada iştirak edib-etməyəcəyimi hələlik bilmirəm. Baş məşqçimiz şans versə, meydana çıxmağa hazıram. Belə olsa, var gücümlə mübarizə aparıb, əlimdən gələni edəcəyəm. “Krasnodar”ın oyununu ətraflı təhlil etmişik. Bu komandanın futbolçuları əks-hücumlar zamanı çox sürətlidirlət. Bu üzdən çox sayıq oynamalıyıq”.