“Sent Etyen”in baş məşqçisi: “Qarabağ”la oyunda heç-heçə haqda düşünmürük”

“Heyətimizdən görmək olar ki, biz ölkə çempionatı ilə Avroliqa arasında fərq qoymuruq”. Futbolxeber.az-ın məlumatına görə, bunu “Sent Etyen”in baş məşqçisi Kristof Qaltye deyib.

Sabah Avroliqanın beşinci turu çərçivəsində keçiriləcək “Qarabağ”la oyun haqda danışan fransız mütəxəssis, mütləq qələbə qazanmalı olduqlarını bildirib: “Qarabağ” üzərində qələbə bizə çox lazımdır. Ardıcıl beşinci heç-heçə haqda düşünmürük. Komandamızın qarşısında müəyyən tapşırıqlar var və onları yerinə yetirməliyik”.