Mircəlal Qasımov: “Bu gün evdəki kimi oynayırdıq”

“Oyun bizim üçün vacib əhəmiyyət kəsb edirdi. Hava çox isti idi, bu səbəbdən da oyunçular qaçmaqda çətinlik çəkirdirlər. Oyun ərzində fərqlənmək üçün şanslarımız da oldu”. Futbolxeber.az-ın məlumatına görə, bu sözləri millimizlə oyundan sonra Özbəkistan yığmasının baş məşqçisi Mircəlal Qasımov deyib.

O, millimizin oyununu tərifləyib: “Azərbaycanın heyətində yaxşı futbolçular var. Həm texniki cəhətdən yüksək, həm də ağıllı. Azərbaycan millisi bir neçə epizodda qapımız qarşısında təhlükə yarada bildi”.

Qasımov özbək fanatlara minnnətdarlıq edib: “Bu gün biz evdəki kimi oynayırdıq. Bu səbəbdən də azarkeşlərimizə təşəkkür edirəm”.