4 klub cərimələndi

AFFA İntizam Komitəsinin növbəti iclası keçirilib. 

Futbolxeber.az-ın assosiasiyanın saytına istinadən verdiyi məlumata görə, 17.09.2022-ci il tarixində Azərbaycan Premyer Liqasının VII turunun “Qəbələ” - “Sumqayıt” oyununda oyunun 83-cü dəqiqəsində “Qəbələ” klubunun azarkeşləri tərəfindən Baş hakim təhqir edildiyi üçün “Qəbələ” klubu 4000 manat cərimə olunub.

17.09.2022-ci il tarixində Azərbaycan Premyer Liqasının VII turunun “Səbail” - “Neftçi” oyununda oyundan sonra isti su təchizatının olmaması və hakimlər üçün isti suyun təmin olunmamasına görə “Səbail” klubu 800 manat cərimə olunub.

18.09.2022-ci il tarixində Azərbaycan Premyer Liqasının VII turunun “Kəpəz” - “Şamaxı” oyununda oyunun 34-cü dəqiqəsində “Kəpəz” klubunun azarkeşləri tərəfindən hakimlərin ünvanına qeyri-etik və təhqiramiz ifadələr işlədildiyi üçün “Kəpəz” klubu 4000 manat cərimə olunub.

18.09.2022-ci il tarixində Azərbaycan Premyer Liqasının VII turunun “Kəpəz” - “Şamaxı” oyununda 2-ci hissədə “Şamaxı” komandası meydana 3 dəqiqə gec daxil olduğu üçün “Şamaxı” klubu 800 manat cərimə olunub.

18.09.2022-ci il tarixində Azərbaycan Premyer Liqasının VII turunun “Kəpəz” - “Şamaxı” oyununda “Kəpəz” klubunun 8 futbolçusu sarı vərəqə ilə cəzalandırıldığı üçün klub 800 manat cərimə olunub.

18.09.2022-ci il tarixində Azərbaycan Premyer Liqasının VII turunun “Kəpəz” - “Şamaxı” oyununda “Şamaxı” klubunun 2 nömrəli futbolçusu Rauf Hüseynli oyundan sonra hakimin qərarına öz etirazını bildirməsinə görə ikinci sarı vərəqə ilə cəzalandırılaraq qırmızı vərəqə ilə meydandan kənarlaşdırıldığı üçün 1 oyun cəzalanıb, klub 200 manat cərimə olunub.