Ölkə futbolu
Akif İsmayılovun oğlu: "Hafiz Məmmədovun atama verdiyi açarlar indiyədək bizdədir"
Tofiq Bəhramov adına Respublika stadionunun sabiq direktoru, mərhum Akif İsmayılovun ölümündən 1 il ötür. Ötən ilin 26 fevralında dünyasını dəyişən Akif bəyin oğlu Elşən İsmayılov sportnet.az-a müsahibə verib.
Futbolxeber.az saytı həmin müsahibəni kiçik ixtisarlarla təqdim edir:
- Bu gün atanınız vəfatının ildönümüdür. 1 il Akif İsmayılovsuz keçdi. Nə qədər çətin olsa da, bunu necə qəbul etdiniz?
- Əslində, çox çətin keçdi. Biz elə fikirləşirdik ki, o, yenə qayıdacaq. Bu müddətdə harda otururuqsa, elə bilirik ki, bu dəqiqə içəri girəcək. Hansı məclis olursa-olsun, Akif müəllimin yeri hər zaman görünür. Fikirləşmədiyiniz bir çox şeyləri bu 1 il ərzində gördük.
- Məsələn, nələri?
- Bunu başa salmaq olmur. Adam bu haqda danışdıqca pis olur. Dərdləşmək istəyəndə və ya bir problem olanda, hər zaman atamızın yanına qaçmışıq. Onunla məsləhətləşmişik. Bu mənada onun yeri çox görünür. Demək olar ki, hər şeydə...
- Atanız yuxunuza tez-tez girir? İlk vaxtlar daha çox idimi?
- Əvvəllər belə eşitmişdim ki, ölən insan ilk vaxtlar yuxuya tez-tez girir. Ayda 3-4 dəfə olur ki, atam yuxuma girir və bu, mütəmadi davam edir. Bəlkə də çox fikirləşməyimdəndir.
- Elə bir yuxu olubmu ki, o, sizi çox təsirləndirib və hələ də bunun təsiri altındasınız?
- Təzə-təzə yuxuma tez girirdi. Deyirdi: "Elşən, necəsən?" Halımı, işlərimi soruşurdu. Yuxudan oyanırdım. Aşkar simasını görürdüm. Əvvəl bir nurani, ağsaqqal kişi ilə görürdüm. Fikirləşirdim ki, bu, rəhmətə gedən babamızdır. İkisi də ucaboylu idi. İki kişi dayanmışdı. Sonra da yavaş-yavaş atamın üzünü gördüm.
- Deyirlər ki, torpağın üzü soyuqdur, adamı yaxınının yoxluğuna öyrəşdirir. Sizcə, bu, həyatda öz əksini tapırmı?
- Siz deyəni mən də eşitmişəm. Ancaq mən bu 1 il ərzində həmin soyuqluğu hiss eləmədim, yaşaya bilmədim. Əslində, onu yaşamaq da istəmirəm, elə belə də qalmasını istəyirəm. Bəlkə beynimdə həzm edə bilmirəm ki, atam birdəfəlik gedib, ona görə qayıdacağını düşünürəm.
- Atanınızın qəbrini tez-tez ziyarət edirsiniz?
- Həftənin 4-5 günü olar ki, qəbrinin üstünə getməyim. Akif müəllim Keşlə qəbiristanlığında dəfn olunub. Ora evimizə yaxındır. Uzaq olsaydı belə, gedərdim. Yolumu tez-tez salıram.
- Yəni, orda yüngülləşirsiniz...
- Bəli. Atamın qəbrini ziyarət etmək mənə rahatlıq verir. Hərdən öz-özümə deyirəm ki, atam uzaqda deyl, evdən 2-3 kilometr aralıdadır. Qəbri atasının, babamızın qəbrinin yanındadır.
- Özü belə vəsiyyət etmişdi?
- Yox. Ölümü elə gözlənilməz oldu ki, bu haqda danışmamışdı. Keşlə qəbiristanlığı köhnə qəbiristanlıqdır. Babamın qəbrinin sağında da, solunda da qəbir var. Solda 2-3 metrlik yer var idi. Sadəcə, ora qamışlıq idi, diqqəti çəkirdi. Atam dünyasını dəyişəndən sonra əmimlə getdik baxdıq ora. Görən kimi dedi ki, burda yer varmış ki... Bu da qismətdir.
- Bu 1 ildə atanız daha çox hansı anlarda yadınıza daha çox düşür?
- Mən hər bir sözümü atamla məsləhətləşirdim. Mənimlə həm dost, həm də qardaş idi. O şəraiti özü yaratmışdı. Deyirdi ki, nə varsa, gəl, mənimlə bölüş. Mən də nə olurdusa, onunla məsləhətləşirdim. İndi də bunu etmək istəyirsən, ancaq alınmır.
- 26-27 yaşda ailənin bütün yükü - həm maddi, həm də mənəvi planda sizin üzərinizə düşdü. Bu yükü təkbaşına daşımaq çətin olmadı?
- Əslində, ilk vaxtlar özümü itirsəm də, bunu bildirmirdim. Narahatlığımı içimdə saxlayırdım, özümü möhkəm tuturdum. Atam hər zaman bizə deyirdi ki, bir gün olaram, bir gün yox. Gərək möhkəm olasınız. Həyatdır, gərək barışasan. Çətinliklərin öhdəsindən gəlirəm.
- Akif müəllimin dostları sizə nə dərəcədə dəstək oldular?
- Çox oldular. Atam rəhmətə gedəndən sonra söhbətlər olurdu ki, ola bilər, çox adam kənara çəkilsin. İnanın ki, mən bunu hiss etmədim. Bu gün kimə zəng edib deyirəmsə ki, Akif müəlimin oğluyam, hamısı hörmətlə, izzətlə yanaşır. Deyə bilmərəm ki, soyuqluğu hiss elədim. Akif müəllimin dostları çox idi. Nərimanov rayon icra başçısı Abdin Fərzəliyevdən, Güləş Federasiyasının vitse-prezidenti Elçin Cəfərovdan, AFFA-nın I vitse-prezidenti, Xəzər rayonu deputatı Rauf Əliyevdən, gənclər və idman naziri Azad Rəhimovdan böyük dəstək gördüm. Yas mərasiminin bir hissəsini Azad müəllimlə Abdin müəllim öz üzərlərinə götürdülər. Adətən, ölən insanın il mərasiminə dəvət olur. Mən də fikirləşdim ki, həmin tarixə yaxın bir-bir zəng vurub deyərəm. Fevralın 20-dən bu yana mənə o qədər zənglər oldu ki... Mən özüm utandım ki, gərək tez zəng vurardım. Gün çoxunun yadında idi, sadəcə, mərasimin yerini dəqiqləşdirirdilər. Mən də "Tural" mərasim evi olduğunu bildirdim. Sağ olsunlar, bu 1 il ərzində məni tək qoymadılar, mütəmadi zəng vururdular.
- AFFA-dan kimlər sizinlə əlaqə saxlayıb?
- Baş katib Elxan Məmmədov zəng vurmuşdu. İşinin çox olmasına baxmayaraq, diqqətini göstərdi, 10 dəqiqə telefonla danışdıq. Hazırda xaricdə olduğundan, yas mərasimində iştirak edə bilməyəcəyi ilə bağlı üzrxahlığını çatdırdı. Bazar ertəsi vətənə qayıdır. AFFA-da Uşaq və Gənclər üzrə Yarışların Təşkili şöbəsinin müdiri Yusif Vəliyevdən hər zaman dəstək görmüşəm. Mən özüm AFFA-da, həmin şöbədə 3-4 il işləmişəm. Sadəcə, onda şöbə müdirimiz Yusif müəllim yox, hazırda Lisenziyalaşdırma Qrupununun rəhbəri olan Elçin Məmmədov idi. AFFA-dan olan hörməti hələ orada çalışdığım dövrdə gördüm.
- Təbii ki, atanızın yoxluğu ən çox həyat yoldaşına təsir edir. Ananıza bu müdətdə necə dəstək oldunuz?
- Anama daha çətin idi. Xüsusilə də fevralın 24-də. Çünki toylarının 30 illiyi idi. Akif müəllim ailə həyatı qurduğu tarixdən iki gün sonra dünyasını dəyişdi. Biz özümüzü toparlasaq da, anama çox çətin idi.
- Akif müəllimin ad günü nə etdiniz?
- Bu, yanvarın 21-i idi. Evdə yaxınlarımızla birgə idik. Ehsan verdik, atamla bağlı xatirələri bölüşdük.
- Bu 1 ildə Tofiq Bəhramov adına Respublika stadionuna getmisiniz?
- Bir dəfə getmişəm. Onda da stadionda bir nəfərlə görüşürdüm.
- Tez-tez gedə bilmirsiniz, yoxsa getmək istəmirsiniz?
- Sadəcə, yolum düşməyib. Atamı adicə evdə də görməyəndə yoxluğu təsir edir. Nə etmək olar, barışmaq lazımdır. Biz gözümüzü açandan atamızı Respublika stadionunda iş başında görmüşük.
- Mərkəzi arenanın yeni direktoru Şamil Quliyevlə əlaqəniz var?
- Yox. Yeni direktorla tanışlığımız yoxdur.
- Akif müəllimin vəzifədən getməsi rəsmi olaraq səhhəti ilə əlaqələndirilmişdi. Sizcə, əsas səbəb qazon məsələsi idimi?
- Açığı, bu barədə danışmamışdıq. Bu 16 ildə atamdan iş barəsində 1 cümlə belə "oğurlaya bilmədik". Sual verəndə cavab ala bilmədik. Onu bilirəm ki, öz ərizəsi ilə getdi. Bunu bizə demişdi.
- Respublika stadioninda qazonla bağlı problem Akif İsmayılov olmayanda, dünyasını dəyişəndə də özünü göstərdi. Xüsusilə ötən yay ciddi problem yaranmışdı. Hətta "Qarabağ" Avropa Liqasının qrupunda ilk matçını "Dalğa Arena"da keçirməli oldu...
- Açığı, bu haqda maraqlanmışam. Əlbəttə, mətbuatdan, saytlardan oxuyurdum ki, qazonda problem var. Atam sağ olanda ot örtüyü haqda soruşmuşdum. Demişdi ki, düzələcək. Ancaq başqa cavab ala bilməmişdim. Akif müəllimin hamı ilə münasibəti yaxşı idi. "Qarabağ" "Tofiq Bəhramov"u icarəyə götürəndə atam hələ işləyirdi. Bu klubun baş meneceri Asif Əsgərovdan diqqət, dəstək görmüşəm. Onun bir müdət öncə avtomobil qəzasına düşməyini eşitmişdim. Zəng vurub danışmış, vəziyyəti ilə maraqlanmışdım.
- Yəqin ki, atanız işsiz olduğu müddətdə darıxardı...
- Darıxmağına çox darıxırdı. Sizə bir şey deyim: "Bakı"nın prezidenti Hafiz Məmmədov bazada oz otağının açarına kimi atama vermişdi. Deyirdi ki, gəlib bazada, stadionda olsun, darıxmasın. Klubun icraçı-direktoru Yaşar Seyidovla açarları göndərmişdi. Özü şəxsən zəng eləmişdi. Dedi ki, sənə otaq vermişəm. Məqsəd o idi ki, atam yenə futbolun içində olsun, darıxmasın. Akif müəllimin hər gün səhər 9-da çıxıb işə getməyinə öyrəşmişdik. Neçə il işləyəsən, birdən ayrılasan, adama çətin olur, evdə otura bilməzsən.
- "Bakı"nın bazasında ona ayrılan otaqda oturdumu?
- Yaşar müəllimin yanında otururdu. Hər gün getmirdi. Həmin açarlar bugünədək bizdədir. Onlar da istəmirlər. Bir neçə dəfə Yaşar müəllimə demişəm. Deyib ki, ehtiyac yoxdur, bizdə var.
- Akif müəllim söhbət əsnasında deyirdi ki, özü ilə xeyli sirr aparacaq. Hansısa sirrini bir oğul kimi sizə deyibmi?
- İş barəsində yox. Bu haqda nə sirri vardısa, özündə qalırdı.
- Atanızın elə bir arzusu olub ki, bunu həyata keçirmək istəyirsiniz?
- Bizə görə çox arzusu vardı. Biz deyəndə, 4 nəfər ailə üzvünü - anamı, məni, bacımı, onun həyat yoldaşını nəzərdə tuturam. Akif müəllim 52 yaşında vəfat etdi. Bu yaşda dünyasını dəyişəcəyini gözləmirdi. Bizim də ağlımıza gəlməzdi. Son günədək ümid edirdik ki, yaxşı olacaq. Ancaq fevralın 26-da günorta 2-3 radələrində dünyasını dəyişdi.
- Bildiyimə görə, nəvəsinə adının qoyulmasını özü istəməyib...
- Bəli. Bir oğlum var, adı Rəsuldur. İstədik ki, Akif qoyaq. O, bir kəlmə deyəndə ki, istəmirəm, biz o söhbətə qayıtmırdıq. Gələcəkdə qismət olsa, Akif adını yeni dünyaya gələn övlada qoymaq istəyirəm.
- Akif müəllim eyni zamanda mətbuatın dostu idi. Onun ölümü biz media nümayəndələrinə də çox pis təsir etdi...
- Elədir. Sizlərə minnətdarlığımı bildirirəm ki, bu diqqəti göstərirsiniz. Çox sağ olun ki, Akif müəllimi yad edirsiniz, onu yaddan çıxarmırsınız. Atam dünyasını dəyişən günü qol.az saytında Elgiz Abbasovun "Eldən gedən Akif" yazısı çıxmışdı. O. bu günədək "Whatsapp" profilimdədir, bugündək oxuyuram. Ümumiyyətlə, atamla bağlı çıxan hər yazını oxuyuram. Gələcəkdə, Akif müəllimin 55 illik yubileyində istərdim ki, onun müsahibələrindən ibarət kitab buraxım. Belə bir şeyi 49 yaşınadək etmişdik. İstədik ki, 50 illik yubileyində yenidən buraxaq, özü razı olmadı.
- Sizə atanızla bənzərliyinizin olduğunu deyənlər olub?
- Kənardan bu haqda çox eşidirəm. Ancaq zarafatcıl olması mənasında fərqliyik. Mən onun kimi deyiləm. Atam hələ sağ olanda bizi oxşadırdılar. Əsasən yerişimizə, hərəkətlərimizə görə. Məni Akif müəllimin oğlu kimi təqdim edəndə, deyirdilər ki, çox oxşayır. Atam ailədə də deyib-gülən idi. Hər zaman sadə, səmimi olub. Uşaqla uşaq, böyüklə böyük kimi davranırdı. Buna görə hamı onun yoxluğuna çox heyfsilənir. Ailədə qəmli olduğumuz vaxtlarda yenə onun zarafatları hamının üzünü güldürür.
Şərh yazılmayıb
|
ŞƏRH YAZ
|
Çox oxunan xəbərlər
- Fərid Qayıbov narazıdır: AFFA-nın konfransını boykot edəcək - ÖZƏL
- Milli komandamızın yeni baş məşqçisi müəyyənləşib: Mayın əvvəli Bakıya gəlir
- Asif Məmmədov: “Kimsə bunu sübut etsə, üzr istəməyə hazıram”
- AFFA İcraiyyə Komitəsinin üzvü: “Premyer Liqada klub sayının artırılması gündəmdədir”
- Rövşən Nəcəf: “Etimadı doğrultmaq üçün əlimdən gələni edəcəm”
- Qurbanovdan nümunəvi addım
- İcraiyyə Komitəsinin yeni üzvü “Neftçi”yə gəlişini şərh etmək istəmədi: “İnşallah gələn həftə...”
- Minifutbol millimizin heyəti narazılıqla qarşılandı, baş məşqçi danışmaq istəmədi
- Basketbol federasiyasının diqqətinə: Təhlükəsizliyə bu qədər biganə yanaşmaq olmaz!
- Prezidentin nəvəsindən Qara Qarayevə dəstək
- Azər Bağırov: “Futbolçular tapşırıqları icra etmirlər”
- “Aznur”un baş məşqçisi: “Mənim üçün “Birbaşa Bakı” “Zirə”dən daha narahat rəqibdir”
- Avropa çempionatında möhtəşəm nəticə
- Ayxan Abbasov: “Komanda adı çəkmək mənə yaraşmaz, amma bu söhbətlər olacaq”
- 90-cı dəqiqədə meydana çıxdı, “Neftçi” - “Araz-Naxçıvan” oyununun ən yaxşısı seçildi
-
22:22
Azərbaycanın iki idmançısı Olimpiadaya vəsiqə qazandı
-
21:38
Pley-off start götürdü: “Neftçi” uduzdu
-
21:00
“Şahdağ Qusar” - “Füzuli” oyununda 6 qol VİDEO
-
18:49
II Liqada 23-cü tura yekun vuruldu
-
18:34
Millimizin “Böyük Dəbilqə” üçün heyəti açıqlanıb
-
17:55
Stolüstü tennis üzrə Azərbaycan birinciliyi keçiriləcək
-
16:31
Şəhriyar gerilədi, Teymur irəlilədi
-
16:17
Musa Qurbanlı: “Hamı mənə dəstəkdir”
-
16:00
ETOPAZ-ın baş sponsorluğu ilə keçirilən “Fire League”da qrup mərhələsi başa çatdı FOTOLENT
-
15:48
Millimiz Qızıl Avropa Liqası öncəsi məşqlərə start verib
-
14:52
Mingəçevirdə “Prezident Kuboku-2024” reqatasının iştirakçılarının rəsmi paradı olub
-
14:25
U-21 millimiz yoldaşlıq oyunu keçirəcək
-
14:03
AFFA 2 kluba texniki məğlubiyyət verdi
-
13:36
Azərbaycanı Göygöldə keçiriləcək Avropa Kubokunda 147 cüdoçu təmsil edəcək
-
13:19
“Zirə”nin yarımmüdafiəçisi: “Hakimlərə etiraz etməyimiz normaldır”
-
12:54
Azərbaycanın iki şahmatçısı Avropa çempionatında xüsusi mükafata layiq görülüb
-
11:41
"Qarabağ" - "Neftçi" oyununun yeri dəyişdirildi
-
10:27
Millimizin üzvündən məhsuldar ötürmə VİDEO
-
10:02
"Barselona"dan əzmkar qələbə VİDEO
-
09:38
İqor Ribeyro: “Tanrıya şükürlər olsun ki, üzümüzü güldürdü”
-
09:15
Tarixi medal qazanan Azərbaycan gimnastı Vətənə dönüb
-
22:47
Cəlalın komandası qələbəni əldən verdi VİDEO
-
22:18
Zirədə tək qol VİDEO
-
22:00
Rəşad Sadıqov: “Bu gün ən azı 7-8 xal fərqlə 2-ci yerdə olmalı idik” VİDEO
-
21:32
Elmar Baxşıyev: "Prinsipim Rəşad Sadıqovla deyil"
-
20:54
“Zirə”dən gözlənilməz məğlubiyyət
-
20:41
Mehriban Əliyeva Avropa çempionunu təbrik etdi
-
18:26
Millimizin Albaniya ilə oyununun məkanı və saatı bilindi
-
18:00
Bəhlul Mustafazadə: “Neftçi”nin adı əlavə motivasiyadır”
-
17:43
Azərbaycanın çimərlik voleybolu yığmaları Türkiyəyə toplanışa yollanıblar
-
17:17
Avropa çempionumuz: "Arzum həyata keçdi"
-
16:54
Ozobiç: "Yalnız birlikdə uğur qazana bilərik”
-
16:36
Fətəliyeva Avropa çempionu oldu
-
16:21
Azərbaycan millisi Qızıl Avropa Liqasının hazırlığına başlayıb
-
15:12
Bakı kənd və qəsəbələri arasında turnirdə yarımfinalçılar müəyyənləşib
-
14:45
Ozan Canın komandasından heç-heçə
-
14:30
Dünya Olimpiya Təsnifat Turnirində iştirak edəcək Azərbaycan güləşçiləri müəyyənləşib
-
14:17
Azərbaycanlı mütəxəssis Avropa Gimnastikasının İtaliyadakı tədbirində iştirak edib
-
13:54
"Bizi pley-offda çətin oyun gözləyir"
-
13:48
Tahir Baxşıyev: "Qarşıya qoyulan minimum məqsədə çatdıq"
-
13:26
“Şəki” iki legionerlə vidalaşıb
-
12:51
Bakıdakı Avropa Kubokunda iştirak edəcək Azərbaycan gimnastları bəlli olub
-
12:33
Olimpiadaya lisenziya qazanan Azərbaycan avarçəkəni: "Bu, əziyyətin, çox çalışmağın nəticəsidir"
-
12:19
Basketbol üzrə Azərbaycan çempionatında pley-off oyunlarının tarixi məlum olub
-
12:05
Azərbaycan taekvondoçuları Prezident Kubokunu 12 medalla başa vurublar
-
11:52
Azərbaycan nümayəndə heyəti Dünya Badminton Federasiyasının illik toplantısına qatılıb
-
11:33
Azərbaycan atletləri Türkiyədə növbəti medalları qazanıblar
-
11:24
Millimizin heyətində daha bir dəyişiklik
-
11:17
"Sumqayıt" "Qarabağ"ın 30 oyunluq seriyasına son qoydu
-
11:06
"Səbail" üçün yubiley
30.04.2024
29.04.2024
Arxiv
May 2024 |
B.e | Ç.a | Ç | C.a | C | Ş | B |
01 | 02 | 03 | 04 | 05 | ||
06 | 07 | 08 | 09 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | ||