“3 xal qazanmağa borclu idik”

Rusiya millisinin hücumçusu Akeksandr Kokorin DÇ-2014-ün seçmə mərhələsi çərçivəsində millimizə qarşı keçirdikləri oyun barədə danışıb. Futbolxeber.az-ın məlumatına görə, Kokorin mütləq qələbə qazanmalı olduqları fikrində hələ də qalıb: “Oyundan sonra bütün fikirlərim qalib gələ bilməməyimizlə bağlı idi. Məyusluq hissi yaşayırdıq. Tamaşaçıların Rusiya himni səslənən vaxt və ümumiyyətlə oyun boyu özlərini necə apardığını nəzərə alsaq, 3 xal qazanmağa borclu idik. Qarşılaşmadan sonra Fabio Kapello çox sərt danışdı. Baş məşqçi təkcə 90-cı dəqiqədə qol buraxmağımızdan narazı deyildi. Onun narazılığı çoxluqda oynayıb 2-ci qolu vurmamağımızla bağlı idi. Bərabərlik qolundan sonra hamımız başa düşürdük ki, heç bir halda 2-ci topu buraxmayacağıq. Özünüz də gördünüz ki, azərbaycanlılar bu qoldan sonra irəli də getmirdilər”.