“Univetsitatya”nın baş məşqçisi: “Belə emosiyaları yaşamaq istəməzdim”

“Hesab yenə 3:2 olsa da, mən belə emosiyaları yaşamaq istəməzdim. 70-ci dəqiqədən sonra rəqibin təşəbbüsü ələ aldığı fikri ilə razılaşmıram. Buraxdığımız qollardan nəticə çıxarmalıyıq”.

Futbolxeber.az saytının məlumatına görə. bu sözləri "Universitatya"nın baş məşqçisi Korneliu Papure evdə "Səbail"ə qarşı keçirdikləri Avropa Liqasının I təsnifat mərhələsinin cavab görüşündən sonra deyib.

46 yaşlı mütəxəssis yerli azarkeşlərin narazılığından və komandaya dəstəyindən söz açıb: "Çalışacağıq ki, nəticələri daha da yaxşılaşdıraq və onları məmnun edək".

Papure 2 oyuna 3 qol vuran "Səbail"in hücumçusu Ağabala Ramazanov barədə də fikirlərini bölüşüb: "O, çox yaxşı oyunçudur, texnikalıdır. Ona çox yaxşı karyera və bol qollar arzulayıram” (“Report”).