"Tobol"un oyunçusu: "Qəbələ" ilə avrokuboklarda qruplara qalmışdıq"

“Qəbələ”nin sabiq yarımmüdafiəçisi, hazırda “Tobol”da çıxış edən Nika Kvekveskiri Qazaxıstan mətbuatına danışıb.

Futbolxeber.az saytının məlumatına görə, gürcü oyunçu Avropa Liqasının birinci təsnifat mərhələsində “Samtrediya”ya qarşı keçirəcəkləri görüş haqda fikirlərini bildirib: “Gürcüstanda olmaq yaxşıdı, evimdəyəm. Avropa Liqasının birinci mərhələsində gürcü komandaları ilə qarşılaşmağımızı istəmirdim. Növbəti mərhələyə çıxmağımız üçün əlimdən gələni edəcəm.

Artıq ikinci dəfədi ki, ilk mərhələ mənim üçün “Samtrediya” ilə başlayır. “Qəbələ”də oynayarkən də “Samtrediya”ya qarşı oynamışdıq. O zaman biz qruplara qalmışdıq. Ümid edirəm ki, “Tobol”la da avrokuboklarda yolumuz uzun olacaq. Azarkeşlərimizi sevindirmək istəyirik”. (sports.kz)