Ruslan Əmircanov: “Kim qol vursaydı...”

“İlk turda “Neftçi”yə heç nədən uduzmuşduq. Həmin görüşdə bəxtimiz gətirməmişdi. Ona görə də “Kəpəz”lə oyunda uğurlu nəticə qazanmaq istəyirdik”. Futbolxeber.az saytının məlumatına görə, bu sözləri “Kəpəz”lə oyundan sonra AZAL-ın üzvü Ruslan Əmircanov deyib.

Əmircanov Topaz Premyer Liqasının ikinci turunda “Kəpəz”lə qolsuz bərabərliyə nail olduqları qarşılaşma haqda bunları söyləyib: “Matça çox ciddi hazırlaşmışdıq. Havanın isti olacağını da bilirdik. Çünki oyunun 5-də başlaması işimizi çətinləşdirirdi. Amma bizim kimi rəqib də eyni hava şəraitində mübarizə aparırdı. Qarşılaşma ərzində çox çalışdıq ki qol vuaq. Elə oyun idi ki, kim qol vursaydı, həmin komandada da qalib gələcəkdi”.

AZAL-ın üzvü qələbə qazana bilməmərinin səbəbini belə izah edib: “Biz Gəncəyə qələbə üçün gəlmişdik. Amma “Kəpəz” də zəif deyil. Bu komandanı asanlıqla udmaq mümkün deyil. Oyundan 3 xalla da ayrıla bilərdik. Lakin sonluğu qoymağı bacarmadıq. Müdafiədən yaxşı qoşulurduq. Sonradan meyanda daxil olan futbolçular oyunda canlanma yaratdıar. Ona görə də ikinci hissədə oyunumuz daha yaxşı alındı. Rəqibin çox təhlükəli epizodu olmadı. Müdafiədə düzgün oynadıq. Oyunun ədalətli nəticəsi elə heç-heçə idi”.