Syomin: “İşimə davam edirəm”

“Gərgin oyun oldu. “Neftçi”yə əvvəlki oyunlarda məğlub olmuşduq. Turnir cədvəli baxımından bu gün qalib gəlmək vacib idi. Oyunun sonluğunu yaxşı bitirdik”. Futbolxeber.az-ın məlumatına görə, bu sözləri “Neftçi”ylə oyundan sonra “Qəbələ”nin baş məşqçisi Yuri Syomin deyib.

 Syomin istefası barədə rəhbərliklə söhbət etmədiyini bildirib: “Rəqibin oyunçusu Karlos Kardoso ilə problem yaşamadım, futbolda belə şeylər olur. Kubokun finalına hələ çox qalıb. Ayın 7-də növbəti çempionat oyunumuz var, hazırda onu düşünürəm. Rəqiblə bu mövsüm artıq 4 dəfə qarşılaşmışıq, bir-birimizdən gizlətməli heç nəyimiz yoxdur. Gözəl oyun olacaq, əsas odur ki, azarkeşlər tribunaları doldursun. Mənim istefam haqqında rəhbərliklə heç vaxt söhbətimiz olmayıb. Müqaviləmiz var, rəhbərliklə normal münasibətdəyik, işimə davam edirəm”.