Sabiq “Qarabağ”lı: “Sarpsborg 08”in futbolçusu olduğum üçün çox qürurluyam”

“Qarabağ”dan ayrılan Kris Kuaku  Norveçin “Sarpsborg 08” klubuna keçidi ilə bağlı fikirlərini bölüşüb.

Futbolxeber.az-ın məlumatına görə, 26 yaşlı yarımmüdafiəçi klubun saytına açıqlamasında bildirib:

“Sarpsborg 08”in futbolçusu olduğum üçün çox qürurluyam. Komandanın uğuru üçün əlimdən gələni edəcəyəm. Mərkəz yarımmüdafiəçisiyəm və topu müdafiədən hücuma daşımağı xoşlayıram. “Səkkiz” və ya “altı” nömrə mövqeyində oynaya bilirəm. Müdafiəyə kömək etməyi və eyni zamanda hücumlara qoşulmağı sevirəm”.

O qeyd edib ki, kluba keçidindən əvvəl sabiq komanda yoldaşı Andreas Nibe ilə danışıb. Onlar daha əvvəl Portuqaliyanın “CD Mafra” klubunda birlikdə çıxış ediblər: “Onunla danışanda ilk dediyi söz bu oldu ki, burada hamı sənin daha yaxşı futbolçu olmağın üçün kömək edəcək. Komanda da ambisiyalıdır. “Sarpsborq” inkişaf etmək və irəli getmək istəyən klubdur”.

Kuaku keçidə görə çox xoşbəxt və qürurlu olduğunu vurğulayıb: “Özümü göstərmək üçün səbirsizlənirəm. Meydanda çox enerji verəcəyəm. Özüm haqqında çox danışmağı xoşlamıram. Qoy insanlar gəlib məni meydanda görsünlər”.