Minifutbol
“PFL-də hamı Ramin Musayevin “sağ əli”dir”
Aslan Şahgəldiyev Peşəkar Futbol Liqasının mətbuat xidmətinin rəhbəridir. Amma bu qurumun rəhbəri olmazdan əvvəl, loru dildə ifadə etsək, yaxşı bir oğlandır, rəsmi danışsaq, mətbuatla işini düzgün quran az-az futbol rəsmilərindəndir. Jurnalistlərə açıq adamdır, ünsiyyətcildi, amma nə qədər qəribə olsa da, müsahibə verməyə ya utanır, ya da bu məsələdə təvazökardır. Görünür, reklam olunmağı sevmir. Bu müsahibəyə də onu çətinliklə razı saldım.
Aramızdakı münasibətlər dostluq səviyyəsində olduğundan bu söhbətdə bir-birimizlə rəsmi qaydada - “siz”, “müəllim” və ya “bəy” deyil, elə öz adımızla, ya da “sən” deyə müraciət etdik. Diktofon söhbətimiz bir saat çəkdi, söhbətdən hər ikimiz razı qaldıq... Jurnalistlərdən də danışdıq, Ramin Musayevdən də... Sonra Aslan PFL-ə getdi, mən də redaksiyaya qayıtdım. Və onda məlum oldu ki, demə, müsahibə üçün şəkillər çəkmək yaddan çıxıb. Yəqin maraqlı söhbət alınıb ona görədir.
Həvəsiniz və vaxtınız varsa, buyurun, Siz də oxuyun, bu fotoreportajsız müsahibəni...
- Jurnalistlərlə işləmək səni hələ bezdirməyib?
- Birbaşa KİV-lə işləyən şəxs dözümlü, hər şeylə maraqlanan, xoşməramlı, yaxşı yaddaşa malik, nəzakətli, stresli iş vaxtı səbrli, insan psixologiyasını bilən biri olmalıdır. Mən bu işə görə əmək haqqı alıram, hətta bezdirici olsa belə, bu, mənim işimdir, büruzə verməməliyəm. Amma düzünü deyim, çox maraqlıdır. Bezdiyim bir işdə işləyə bilmərəm.
- İlk sualın qoyuluşu təsədüfi deyildi. Bildiyimə görə, bu gün klubların mətbuat xidmətlərinin rəhbərləri bəzi jurnalistlərdən cana doyublar. Ənənəvi bir sözləri var: "Zəng edənlərın çoxusu bizdən reklam istəyir". Eyni zənglər sənə də olar, yəqin.
- Şəxsən məndən heç bir jurnalist reklam istəməyib. Gərək, reklam verəsən ki, kimsə səndən reklam da istəyə.
- Bəs, az qala bütün saytlara reklam verən klublara necə baxırsan?
- Mətbuata reklam verilməsinə pis baxmıram. Çünki dəstək olmalıdır. Amma bir kriteriya müəyyənləşdirib, onun əsasında reklam verilsə, daha yaxşı olar. Təsəvvür edin, bu gün bütün idman mətbuatı maddi imkansızlıqdan yox olub, kim işıqlandıracaq görülən işləri? Mənə görə reklam birbaşa rəhbər şəxsin özü tərəfindən verilməlidir, digər şəxslər tərəfindən yox. Və şərt qoyulmalıdır ki, onun həm müsbət işləri, həm də əgər varsa, qüsurları işıqlandırılmalıdır. Bu, onun rəhbəri olduğu qurumun daha da inkişaf etməsinə kömək edər. Misal üçün, PFL reklam verərsə, bunu mən yox, Ramin Musayev etməlidir ki, sabah siz onun rəhbəri olduğu PFL-in çatışmazlıqlarını yaza, Aslanın hansısa səhvi varsa, onu rahatlıqla qabardasınız. Ümumiyyətlə, bu, çox uzun məsələdi. Bu barədə çox danışmaq olar. Amma istənilən halda, reklam müəyyən asılılıq yaradır.
- Deyək ki, siz reklam verirsiz, tənqidə açıq olacaqsınız? Adamın heç inanmağı gəlmir. Sirr deyil ki, bu gün klublar saytlara reklamı ona görə verir ki, özlərini tənqiddən sığortalasın. Yanıla bilərəm, amma məncə, sabah PFL də reklam versə, şərt irəli sürəcəksiniz ki, tənqid az olsun, ya da ümumiyyətlə, olmasın.
- Bilirsən, axı, tənqid yazmaqla iş bitmir. Tənqiddə problemin aradan qaldırılması yolları da göstərilməlidir. Bunu nəyi pisdir ki? Tənqid yazmaq asan məsələdi, çətin olanı çıxış yolu göstərməkdir. Bunu da hər adam bacarmır. Bax bu yolu göstərə bilənlərə kömək etmək lazımdır. Məsələn, PFL jurnalistlər arasında ayın ən yaxşı oyunçusunu seçmək üçün sorğu keçirir. Jurnalistin stimulu olmalıdır ki, o sorğuda iştirak etsin, onu təbliğ eləsin.
- Aslan, axı, dediyin sorğuda yetərincə jurnalist iştirak edir, tədbirə də xeyli jurnalist gəlir.
- Çünki stimul var, ayın oyunçusunu düz tapanlar mükafatlandırılırlar. Gizlətmirəm, bəziləri məhz buna görə PFL-dən akkreditasiyadan keçir. Ramin Musayev faktoru da var. Onun iştirak etmədiyi tədbirdə az jurnalist olur. Məsələ təkcə bu deyil. Götürək, klubların keçirdiyi mətbuat konfranslarını, digər futbol tədbirlərini. Mətbuatın maddi durumu normal olmalıdır ki, bu kimi tədbirlərdə iştirak etməyə əməkdaşını göndərə bilsin. Eyni gündə 3 oyun olanda heç olmasa, 3 əməkdaşı olmalıdır ki, bu oyunları təbliğ edə bilsin. Amma reklam vermək xatirinə hər kəsə də reklam verilməsi doğru deyil. Bu, kəmiyyəti çoxaltsa da, keyfiyyəti aşağı salır. Bu gün mən də bilirəm ki, idman jurnalistikasında çalışanların böyük qismi hansı məqsədi güdürlər. Amma buna görə narahat olmağa dəyməz. Əsas odur ki, layiqincə çalışan, qələminə, yazdığı cümləyə hörmət qoyan jurnalistlər də az deyil.
Bu yerdə Aslanın telefonuna oturandan bəri üçüncü zəng gəlir... Hər üçü də jurnalistdən.
- Zənglər çox olur, dəyəsən...
- Hə... Oyunda qalmaqal olanda lap çox zəng gəlir (gülür) ...
- Azərbaycan Premyer Liqasının oyunlarını işıqlandırmaq üçün nə qədər jurnalist qeydiyyatdan keçib?
- 86 mətbu orqandan 201 jurnalist...
- Maşallah... Amma Premyer Liqamızın hətta ən vacib matçlarında belə 15-20 jurnalist stadiona gələ, ya gəlməyə...
- Təsəvvür elə, qeydiyyatdan keçənlərdən 37 nəfər ümumiyyətlə, akkreditasiya vəsiqələrini götürməyiblər. Təəssüflə deyim ki, qeydiyyatdan keçən bütün KİV əməkdaşlarını hər tur stadionlarımızda görmək olmur. Bəziləri ildə 4-5 oyunda, bəziləri isə ümumiyyətlə, stadionda olmurlar.
- Elə isə niyə akkreditasiya verirsiz onlara?
- Bilirsən, akkreditasiya almaq üçün müəyyən olunmuş prosedur qaydaları var. Jurnalist adını, soyadını, təmsil etdiyi qurumun adını, öz şəklini və çalışdığı mətbu orqanın iş vəsiqəsini bizə göndərməlidir. Bütün bunlar edildikdən sonra biz həmin şəxslərə akkreditasiya verməyə bilmərik. Mənə qəribə gələn budur ki, bir dəfə də olsun stadiona getməyən birisi nə üçün akkreditasiyadan keçir? Bu suala hələ özüm də cavab tapa bilməmişəm. Əslində daha çox jurnalistin qeydiyyatdan keçməsi yaxşıdır. Amma bir şərtlə ki, bu, qeydiyyatdan keçmək yox, işləmək xatirinə olsun. Mən stadiona gəlməyən jurnalistləri PFL tərəfindən keçirilən tədbirlərdə nəzərə alıram. Üstünlüyü hər zaman işləyən, oyunları daim izləyən, futbolumuzu təbliğ edən jurnalistlərə verirəm.
Aslana növbəti zəng gəlir. Bu dəfə jurnalist deyil, Aslanın şefi - Ramin Musayevdir zəng vuran... Söhbətləri yekunlaşır və mən mövzunu qəfil dəyişirəm...
- Bəlkə bir az da Ramin Musayevdən danışaq.
- Mən razı.
- Onu sən də yaxından tanıyırsan, mən də. Amma sırf oxucu da bilsin deyə soruşuram, necə adamdır, Ramin Musayev?
- (gülür) Gəl, səmimi danışaq də... Hansı işçi öz rəhbərinə, özü də mediada pis deyər? Mən indiyə kimi kiminsə işlədiyi yerin rəhbərinin əleyhinə nəsə deməsini görməmişəm. Yox, əgər tərifləsəm, yaxşı olduğunu desəm, elə fikirləşə bilərlər ki, ona yarınıram. Ümumiyyətlə, insanlara mənə olan münasibətinə görə yox, başqalarına olan münasibətinə görə qiymət verirəm.
- Ramin Musayev futbolla bağlı qərar verəndə səninlə məsləhətləşir?
- Ümumiyyətlə, istənilən mətbuat xidmətinin rəhbərinin çalışdığı qurumun başçısına birbaşa çıxışı olmalıdır. Bu, vacib suallara daha tez aydınlıq gətirmək üçün lazımdır. Qərarların qəbul olunmasında mətbuat xidmətinin rəhbəri mütləq iştirak etməlidir. Çünki təşkilatın siyasətini müəyyən edən şəxslər bilməlidirlər ki, onlar tərəfindən atılan addımlar ictimaiyyət tərəfindən necə qarşılanacaq. Qərarların qəbul olunmasında mətbuat xidmətinin rəhbəri iştirak etməyəndə onun üçün sonradan çətin olur, mətbuata həmin qərarlara aydınlıq gətirmək məsələsində problem yaranır. Müzakirəmiz tək mənimlə yox, digər departament rəhbərləri ilə birlikdə aparılır.
- "Aslan Ramin Musayevin “sağ əli”dir" - jurnalistlər arasında yayılan bu fikrə sənin münasibətin necədir?
- Tam səmimi deyirəm gördüyüm və hiss elədiyim odur ki, PFL-də çalışan hər bir işçi Ramin Musayevin “sağ əli”dir.
- Kənardan müşahidə etmişəm, Ramin Musayev öz əməkdaşlarına münasibətdə ənənəvi müdir obrazını dağıdıb, çox da rəsmi deyil, işçilərinə əsasən bir böyük qardaş kimi yanaşır...
- Düz müşahidə etmisən. Ona görə də bizdə iş bezdirici deyil. Gərginlik nə qədər çox olsa da, heç vaxt narahat olmursan. Məncə, rəhbər müdir yox, lider olmalıdır. Yəni, insanda öz rəhbərinə hörmət qorxudan deyil, sevgidən olmalıdır.
- Sənə “Qarabağ” və “Neftçi”nin mətbuat xidmətlərinin rəhbərləri haqda da bir sual vermək istəyirəm. Hər ikisinə yaxınsan, ona görə... Nurlan İbrahimovla Gündüz Abbaszadə niyə bir-biriləri ilə yola getmir?
- Deməzdim, yola getmirlər, məncə, rəqabət aparırlar. Hər ikisi öz işini mükəmməl bilən şəxslərdi. Hər ikisi ən yaxşı olmaq istəyir. Gündüz özündən tez çıxır, Nurlan isə mübahisə etməyi çox xoşlayır.
- Amma sən onlar kimi tez özündən çıxmırsan, soyuqqanlısan...
- Sonda deyilməli olan sözü əvvəldə deməyi xoşlamıram.
- Amma bildiyimə görə jurnalistlərlə sərt mübahisələrin düşüb. Sən tərəfdən hədə-qorxu necə, olub?
- Yox. Amma sərt etiraz etdiyim vaxtlar olub.
- Yəqin əsəblərin tab gətirməz yazılara. PFL-in əleyhinə yaman çox yazılar olur.
- Əgər bir yazıdakı fikirlərin səhv olduğuna yüz faiz əminəmsə, orada yalan, böhtan görürəmsə, əsəbiləşirəm. Dərhal da reaksiya verirəm. Amma əleyhimizə yazılan yazı haqlıdırsa, susmaq məcburiyyətindəsən. Nəticə çıxarmalı və onun təkrarlanmamasına çalışmalısan.
- Azərbaycan futbolundan bezməmisən?
- Futbol bilirsən necədi? Məğlubiyyət olanda bezirsən, getmək istəyirsən, mənasız bir işdə çalışdığını düşünürsən. Amma qələbə olanda fikirin dəyişir, ruhlanırsan, daha ürəklə çalışmaq istəyirsən, daha istəkli olursan. “Neftçi”nin, “Qarabağ”ın Avroliqanın qrupuna düşməsi insanda öz işinə stimul yaradır. Uğur insanı gücləndirir, ruhlandırır.
- Yəqin ən son “Qarabağ”ın Ukraynadakı qələbəsinə sevinmisən...
- Hə, “Dnepr”lə oyundakı qələbəyə. Möhtəşəm hisslərdi. Mən inanmazdım ki, futbolda çalışdığım dövrdə hər hansı bir komandamız qrup mərhələsində çıxış edə biləcək. “Neftçi”, ardınca “Qarabağ”... Hərdən özümə də qəribə gəlir. Yuxu kimidir hər şey.
- Söhbətə görə təşəkkür edirəm. Bəlkə elə sual oldu ki, sənə vermədim. Ya bəlkə sənin nəsə sualın var... Hər dəfə biz səndən nəsə soruşmayacağıq ki.
- Hə, bir sualım var: əməkdaşınız Şükür Cavad niyə gəlib akkreditasiyanı götürmür? (gülür)..
- Şükür gördü jurnalistika onluq deyil, birdəfəlik çıxıb getdi.... Onun akkreditasiyasını ləğv elə.
Aydın BAĞIROV, Qol.az
Şərh yazılmayıb
|
ŞƏRH YAZ
|
Çox oxunan xəbərlər
- Milli komandamızın yeni baş məşqçisi müəyyənləşib: Mayın əvvəli Bakıya gəlir
- Asif Məmmədov: “Kimsə bunu sübut etsə, üzr istəməyə hazıram”
- AFFA İcraiyyə Komitəsinin üzvü: “Premyer Liqada klub sayının artırılması gündəmdədir”
- Qurbanovdan nümunəvi addım
- Minifutbol millimizin heyəti narazılıqla qarşılandı, baş məşqçi danışmaq istəmədi
- Basketbol federasiyasının diqqətinə: Təhlükəsizliyə bu qədər biganə yanaşmaq olmaz!
- Prezidentin nəvəsindən Qara Qarayevə dəstək
- Azər Bağırov: “Futbolçular tapşırıqları icra etmirlər”
- “Aznur”un baş məşqçisi: “Mənim üçün “Birbaşa Bakı” “Zirə”dən daha narahat rəqibdir”
- Ayxan Abbasov: “Komanda adı çəkmək mənə yaraşmaz, amma bu söhbətlər olacaq”
- Avropa çempionatında möhtəşəm nəticə
- 90-cı dəqiqədə meydana çıxdı, “Neftçi” - “Araz-Naxçıvan” oyununun ən yaxşısı seçildi
- Hakimlər “kimə işləyir”? - Araşdırma
- “Futzaldır, minifutboldur, bizim mentalitetlə “1 nömrə” kimi oynamaq çətindir, o potensial bizdə yoxdur”
- Klublar Komitəsinin iclası keçirilib
-
10:03
"Roma" "Bayer"lə bacarmadı VİDEO
-
09:47
Bakıda bədii gimnastika üzrə Avropa Kuboku start götürüb
-
09:30
"Sumqayıt" "Kəpəz"lə oyuna hazırlaşır FOTOLENT
-
22:21
"Şamaxı" "Zaqatala"ya qalib gəldi VİDEO
-
21:56
Millimiz Belarusa məğlub oldu
-
21:39
“Neftçi” mübarizəni dayandırdı
-
19:43
"Prezident Kuboku-2024": Azərbaycan avarçəkənləri günü 1 dəst medalla başa vurublar
-
19:12
"Qaradağ Lökbatan" 3 xalı 3 qolla qazandı VİDEO
-
18:27
“Qaradağ-Lökbatan” və “Şamaxı”dan qələbə
-
18:06
"Prezident Kuboku-2024": Azərbaycanın daha bir avarçəkəni medal qazanıb
-
17:45
Mohammed Kadiri: “Nəinki "Zirə, istənilən rəqibə qalib gələ bilərik”
-
16:38
İspaniyalı baş məşqçi: "Prezident Kuboku”nda iştirak hər bir idmançı üçün yaxşı təcrübə olacaq"
-
16:13
Yüksək Liqada mövsüm başa çatdı
-
15:00
İlk dəfə kata üzrə Azərbaycan birinciliyi keçirilib
-
14:49
"Prezident Kuboku": Azərbaycan avarçəkəni qızıl medal qazandı
-
14:22
"Neftçi" “Qarabağ”la matçın hazırlığını davam etdirir FOTOLENT
-
14:15
Millimizin sabiq üzvü “Əl-İttihad”da
-
13:07
Türkiyə avarçəkəni: “Prezident Kuboku” turniri həyəcanlı və maraqlı keçir"
-
12:31
Aygül Abdullayeva Estoniyada ən yaxşı hakimi seçilib
-
12:12
"Səbail" "Qəbələ" ilə oyuna hazırlaşır FOTOLENT
-
11:58
Klublar Komitəsinin növbəti iclası keçirilib
-
11:26
Avarçəkmə üzrə "Prezident Kuboku”nda ikinci yarış gününə start verilib
-
11:03
Fərid Mansurov: "Prezident Kuboku-2024"də azarkeş qismində iştirak etmək qürurvericidir"
-
10:34
"Həm hücumda, həm də müdafiədə aqressiv oyun sərgilədik"
-
10:12
Azərbaycanın güləş milliləri Bakıda toplanış keçirlər
-
09:59
"Traktor" əzəli rəqibi ilə heç-heçə etdi
-
09:47
"Borussiya" PSJ-ni məğlub etdi VİDEO
-
09:30
Minifutbol millimiz beynəlxalq turnirin qalibi oldu
-
18:19
Abu Dosso: “Sumqayıt”ın potensialı avrokuboklarda oynamağa imkan verir”
-
17:58
Bakıda keçiriləcək bədii gimnastika üzrə Avropa Kubokunun mükafat fondu açıqlanıb
-
17:42
Azərbaycanlı nümayəndə ilk dəfə Avropa çempionatında
-
17:25
Şahin Bağırov Azərbaycan voleybol millisinin üzvləri ilə görüşüb
-
17:03
Azərbaycanı Bakıdakı Avropa Kubokunda təmsil edəcək gimnastlar müəyyənləşib
-
16:51
"Qusar" Ağdaşdan qələbə ilə qayıtdı VİDEO
-
16:37
“Prezident kuboku-2024” reqatasının birinci gününə yekun vuruldu
-
15:44
Çingiz Hüseynzadə: "Bu yarış gənc avarçəkənlərimiz üçün böyük təcrübədir"
-
14:16
Premyer Liqamızda apreldə vurulan 5 ən gözəl qol VİDEO
-
14:08
AMADA təmiz idman təbliğatını Suqovuşanda davam etdirir
-
13:32
“Sərhədçi”nin baş məşqçisi: "Ümid edirəm ki, yaxşı oyunla qələbə qazanacağıq”
-
12:29
I Liqada hakim təyinatları açıqlandı
-
12:15
Prezident Kuboku-2024" reqatasının Füzulidə də keçirilməsi planlaşdırılır
-
11:53
Suqovuşanda “Prezident Kuboku-2024” reqatasının açılış mərasimi keçirilib
-
10:41
Millimiz Rumıniyaya uduzub, Bosniya və Herseqovinanı darmadağın edib
-
10:17
Ülviyyə Fətəliyeva: "Vətənimə qızıl medalla qayıtmaq qürurvericidir"
-
09:30
"Bavariya" - "Real" matçında 4 qol VİDEO
-
22:22
Azərbaycanın iki idmançısı Olimpiadaya vəsiqə qazandı
-
21:38
Pley-off start götürdü: “Neftçi” uduzdu
-
21:00
“Şahdağ Qusar” - “Füzuli” oyununda 6 qol VİDEO
-
18:49
II Liqada 23-cü tura yekun vuruldu
-
18:34
Millimizin “Böyük Dəbilqə” üçün heyəti açıqlanıb