17 Avqust 2019, Şənbə
"Qarabağ" "Keşlə"ni qəbul etdi
"Neftçi" erkən qol vursaydı...”
Zubir "Qarabağ"dan gedir?
Başını dik tut, “Neftçi” azarkeşi!

Maqazin

Bakı küləyindən heyrətlənən braziliyalı: “Sumqayıt”lı futbolçu məni öldürürdü"

2015- 2016-cı il mövsümünün əvvəlində Bakı “İnter”inə transfer olunan və qış fasiləsində klubu tər edən braziliyalı hücumçu Dieqo Martinsin Futbolxeber.az saytına müsahibəsi: 
 
- Əvvəlcə "Peqasus"dakı (Honq Konq) karyeranla bağlı danışardın. Orada işlərin necə gedir, hər şey yaxşıdır?
- Azərbaycana gəlməmişdən əvvəl Honq Konqun "Saut Çayna" klubunda 2 il çıxış etdim. Orada liqa çempionluğu yaşadım və bir neçə kubok qazandım. Sonradan buraya qayıtdığım vaxtdan 1 il ötür. “Peqasus”a gələndə mövsümün ortaları idi. Mövsümün sonunda isə 2 kubok qazandıq.
 
- "Peqasus"a keçidin necə alındı? “İnter”i tez tərk etməyinin səbəbi nə idi?
- Bəli, “İnter”i tez tərk etdim. Çünki "Peqasus" mənə daha yaxşı maaş təklif etdi. 
 
- “İnter”də özünü yaxşı tərəfdən göstərə bildin və burada sənin oyununu bəyənənlər çox idi. Burada çıxış edərkən hansısa Azərbaycan klubundan transfer təklifi almadın?
- Azərbaycan klubları arasında ancaq “İnter”dən transfer təklifi almışam. Orada mənimlə başqa klubların da maraqlanması ilə bağlı eşitmişdim. Amma ciddi təklif olmadı. Azərbaycanlı futbolsevərlərin oyunumdan  zövq almalarına sevindim.   
 
- Azərbaycan və Honk Konq futbolu arasında fərq çoxdur? 
- Fikrimcə, Azərbaycan Premyer Liqası Honk Konq çempionatından güclüdür. Azərbaycanda çoxlu əcnəbi futbolçular var və yerli oyunçular da buradakından daha güclüdür. Honk Konqda oyun təqvimi də Azərbaycandakı qədər sıx deyil. Biz həftədə ancaq 1 oyun keçiririk. Həmçinin burada ancaq 4 əcnəbi oyunçu çıxış edə bilir, amma Azərbaycanda daha çox… Lakin burada futbol inkişaf edir. İnanıram ki, bir neçə ilə hər şey çox yaxşı olacaq.   
 
- “İnter”i tərk edəndən bəri Azərbaycan çempionatı ilə maraqlanırsan? Yəqin ki, məlumatın olar, bu mövsümdən Azərbaycan Premyer Liqasında 10 yox, 8 komanda iştirak edir. Səncə, bu amil ölkə futboluna mənfi təsir edər, ya necə?
- Bəli, çempionatınızı internet vasitəsilə izləyirəm. Məncə, 8 komandalı çempionat elə də yaxşı deyil. Komanda sayını çoxaltsalar daha yaxşı olar. Belə olan halda oyunların sayı artar və rəqabət də çoxalar.
 
- Azərbaycanda yarım mövsüm çıxış etsən də, yəqin ki, gəzməyə də vaxt tapdın. Bu müddət ərzində hansı şəhərlərimizdə oldun, onlardan hansını daha çox xoşladın?
- Qəbələ, Lənkəran, Sumqayıt kimi bəzi şəhərlərdə oldum. Sadəcə  bunları xatırlayıram. Amma Bakını həqiqətən çox sevdim: gözəl yerləri olan əla şəhərdəir. Bakını sevidm.
 
- Bəs Azərbaycan mətbəxi ilə aran necə idi? Hansı yeməklərimizi daha çox xoşlayırdın? 
- Bəli, Azərbaycan mətbəxindən xoşum gəldi. Həmişə restoranlara gedib müxtəlif təamlardan dadırdıq. Ən çox xoşladığım qidalar arasında yerli pendir və çörək vardı. Həmçinin mərci şorbası və Azərbaycan çayını da çox sevirdim. Bunlar əla idi. 
 
- Burada oynadığın müddətdə Azərbaycanda bəyəndiyin futbolçular kimlər idi? Həmçinin ən yaxşı baş məşqçi, stadion...
- Azərbaynanda ən çox xoşladığım futbolçu müdafiə xəttində oynayan Zurab Xizanişvili (“İnter”) idi. Çünki, o, çox əyləncəli idi və həmişə mənimlə oynayırdı. Əlbəttə ki, baş məşqçi olaraq da, Zaur Svanadzenin (“İnter”) adını çəkərdim. O, yaxşı insandır və məni həmişə motivasiya edərdi, dəstəkləyərdi. Məncə, “Qəbələ”nin stadionu Azərbaycanda ən yaxşıdır. Oranın ot örtüyü inanılmaz idi. Açığı, xoşlamadığım oyunçu, məşqçi olmadı (gülür). Lakin, məncə, Azərbaycanın ən pis stadionu Gəncədəkidir. Gəncə stadionu fəlakətdir. Həmçinin çox köhnədir. 
 
- Bir hücumçu olaraq, ölkəmizdə çıxış edərkən daha çox hansı müdafiəçilərdən çəkinirdin? Onlardan hansına qarşı oynamaq sənə çətinlik yaradırdı?
- Onun adı yadımdan çıxıb. Bircə onu bilirəm ki, mən orada olarkən “Sumqayıt”da sağ cinah müdafiəçisi kimi oynayırdı. O məni öldürürdü (gülür). Əlbəttə ki, zarafat edirəm. Amma həqiqətən çox kobud oynayırdı. Həmişə məni arxadan vururdu. O, feyr-pleyə əməl edən futbolçu deyildi. 
 
- Premyer Liqamızda çıxış edərkən qollar vurub, rəqib qapıçıları məyus etdin. Səncə, Azərbaycanda ən yaxşı və ən zəif qapıçı kimlər idi?
- Digərlərini bilmərəm, amma Səlahət Ağayev (“İnter”) həqiqətən yaxşı qapıçıdır. Bizi həmişə xilas edərdi. Azərbaycanda ən zəif qapıçının kim olması ilə bağlı nəsə deyə bilmərə. Çünki orada çox az çıxış etdim.
 
- Yəqin ki, Azərbaycan milli komandasının da oyunlarına baxmısınan. Səncə, millimizin uğursuzluğunun səbəbi nədədir? Komandamız həmişə qrup mərhələsində qalır, uduzur.
- Açığı, bu barədə tutarlı fikir deyə bilmərəm. Azərbaycan millisini elə də izləmədim. Amma onu deyə bilərəm ki, Avropadakı milli komandalara qarşı oynamaq çox çətindir. Çünki oradakı yığmalar dünyadakı ən yaxşılarıdır. Həmin turnirlər çox çətin keçir.
 
- Hazırda Azərbaycan milli komandasına xorvatiyalı mütəxəssis Robert Prosineçki başçılıq edir və ona ümidlər böyükdür. Səncə, bu məşqçi ilə  uğur əldə edə bilərik? 
- Bəli, mən də elə fikirləşirəm. O, çox yaxşı oyunçu olub və böyük klublarda çıxış edib. Məşqçi kimi də çoxlu təcrübəsi var. O, futbolda ən yaxşılarla işləyib. Azərbaycana uğur qazandıra bilər.
 
- Təbii ki, hər ölkədə yaşayanda unudulmaz xatirələr olur. Azərbaycanda yaşadığın müddətdə səni heyrətləndirən nəsə oldu?
- Azərbaycanda gördüyüm ən qəribə şey külək idi. Oradakı külək çox sərt və güclüdür. Mən həyatım boyunca belə külək görməmişdim. Azərbaycanda rastlaşdığım digər maraqlı məqam isə insanların uşaqlarla rəftarı idi. Oradakı insanlar körpələri həqiqətən çox sevirlər və qayğı göstərirlər. Bu mənim çox xoşuma gəlirdi. Çünki Azərbaycanda yaşayanda qızım da mənimlə idi və onunla həmişə oynayırdılar və qayğı göstərirdilər.
 
- Sonda sənə belə bir sual vermək istərdim. Azərbaycandan hansısa klub sənə təklif göndərsə, yenidən burada çıxış etmək istəyərsən?
- Əgər hansısa klub yaxşı təklif göndərsə, Azərbaycana qayıdaram.
 
Söhbətləşdi: Elmar
 



Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Avqust 2019
B.eÇ.aÇC.aCŞB
01 02 03 04
05 06 07 08 09 10 11
12 13 14 15 16 17 18
19 20 21 22 23 24 25
26 27 28 29 30 31