"Zirə"nin baş məşqçisi: “O komandaya xüsusi məhəbbətim var”

“Zirə”nin baş məşqçisi Rəşad Sadıqov millimizin hücumçusu Ramil Şeydayevin Türkiyənin “Kocaelispor” klubuna mümkün transferi barədə danışıb.

Futbolxeber.az saytının məlumatına görə, Sadıqov vaxtı ilə futbolçu kimi çıxış etdiyi “Kocaelispor”a xüsusi məhəbbəti olduğunu söyləyib:

“Açığı, “Kocaelispor”dan kimsə məndən bu keçidlə bağlı məsləhət almayıb. Bildiyim qədər transfer hələ rəsmiləşməyib. Şeydayevlə aramızda söhbət olub, mən maraqlanmışdım. Bildirdi ki, hələ rəsmiləşməyib. “Kocaelispor” Türkiyənin 10 böyük camedəsindən biridir. Möhtəşəm azarkeşləri var. Əsl futbol şəhəridir. O komanda Superliqada çıxış etməyə layiqdir. Ciddi rəqabət olacaq. Böyük ehtimalla, pley-offda mübarizə aparacaqlar. Çox istərdim ki, “Kocaelispor” Superliqaya yüksək çıxsın, fərqi yoxdur, Şeydayevlə, yaxud Şeydayevsiz. O komandaya xüsusi məhəbbətim var”.