“Yurqorden”in idman direktoru: “Musa 2024-cü ildə komandada qalacaq”

“Yurqorden” klubunun idman direktoru Bosse Andersson Azərbaycan millisinin futbolçusu Musa Qurbanlının klubdakı taleyi ilə bağlı danışıb.

Futbolxeber.az saytının məlumatına görə, o, "Fotbolldirekt"ə açıqlamasında 21 yaşlı hücumçunun bu il "Yurqorden"də qalacağını bildirib:

"O, 2024-cü ildə komandada qalacaq.  Musa Qurbanlı ötənmövsümkü çıxışından məyusdur. O, daha çox çalışmaq istədiyini göstərir. Ondan nələrin tələb olunduğunu da anlayır. Cəmi altı aydır ki, Musa Qurbanlı bizimlədir. Onunla uzun müddətli müqavilə imzalamışıq. Kimdənsə belə qısa zamanda çox şey tələb etmək ağlabatan deyil. Bəzən vaxt lazımdır".

Qeyd edək ki, Musa Qurbanlının "Yurqorden" ilə müqaviləsi 2026-cı ilə qədərdir.