19 Mart 2024, Çərşənbə axşamı
“Ağ-qaralar”ın “Black Friday”i
"Qarabağ" və "Sabah" qalib gəldi
Orxan Əliyev: “Heyif o epizodlardan...”
Sxadadze: “Təzyiq böyükdür”

Ölkə futbolu

Rəşad Sadıqov: “Son 10-15 ildə belə penalti görməmişəm”

"Oyun barədə nə isə danışmaq çətindir. Matçı iki hissəyə bölmək olar. Birincisi  qırmızı vərəqəyədək olan, ikincisi qırmızı vərəqədən sonra. Birinci hissəyə çox yaxşı başlamışdıq, hər şey əla, oyun nəzarətimizdə idi. Amma bir anda hər şey pozuldu”.

Qol.az-ın məlumatına görə, bu sözləri “Qarabağ”ın kapitanı Rəşad Sadıqov Çempionlar Liqasının qrup mərhələsində “Çelsi” ilə keçirilən oyundan (0:4) sonra jurnalistlərə müsahibəsində deyib.

- Qırmızı vərəqə aldığın epizodda hakimə nə dedin?

- Dedim ki, penalti verirsənsə, heç olmasa, qırmızı vərəqə vermə.

- Qırmızı vərəqə ilə razılaşırsan?

- Mən, sadəcə, sonuncu ümid folunun hansı epizoda aid olduğunu tuta bilmirəm. Qaydalarda edilən dəyişiklik hansı vəziyyətlərə aiddi? Deyirlər ki, oyunçu qapıçı ilə təkbətəkə doğru gedirsə, bu, qırmızı vərəqədi. Bəs əks halda, sonuncu ümid folu necə olur? İkimiz də topa doğru hərəkət edirdik. Bəlkə də bir az tutub buraxmışdım. Baş hakim penalti təyin edirsə, qırmızı vərəqə ağır qərar deyilmi? Yaxud Qara Qarayevin epizodu olsun. Belə epizodlara penalti verirsənsə, gərək onda hər epizodda oyunu saxlayıb cərimə zərbəsi təyin edəsən. Belə penalti olur? Biz hakimlikdən çox danışmırıq, indi də danışmaq istəmirəm. Lakin emosiyalarımı saxlaya bilmirəm.

- "Qarabağ"ın bəxtsiz komanda olduğunu düşünmürsən?

- Avrokuboklarda hakimlər bizə qarşı çox sərt mövqe tuturlar. 10-15 həlledici epizod yada sala bilərik. Komandamız onsuz da 10 nəfərlə qalıb, 0:2 hesabı ilə uduzur. Belə bir vaxtda penalti verirlər? Mən son 10-15 ildə belə penalti görməmişəm. İki oyunçu da ayaq üstə olsun, top uğrunda mübarizə aparsın, referi isə bunu penalti kimi dəyərləndirsin... Buna necə şərh verməli olduğumu bilmirəm.

- "Roma" ilə İtaliyada keçirəcəyiniz son oyundan nə gözləyirsən?

- Çətin səfər oyunu olacaq. Çox istəyirdik ki, bu gün yaxşı nəticə əldə edək, hətta qələbə qazanaq, azarkeşlərimizi sevindirək. Çox məyusuq. Uşaqlar sonadək mübarizə apardılar. Daha böyük hesabla məğlub olacağımızdan qorxurdum. Komandamız "Roma" ilə oyuna da ciddi hazırlaşacaq və əlindən gələnin ən yaxşısını etməyə çalışacaq.




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31