Tale Heydərov: “Sevincimi ifadə etmək üçün söz tapa bilmirəm”

“Bu, bizim üçün tarixi uğur idi. Avroliqanın qrup mərhələsinə düşmək futbolumuz üçün böyük zəfərdir”. Futbolxeber.az-ın Afinaya ezam olunmuş əməkdaşına verdiyi açıqlamada bu sözləri “Qəbələ”nin prezidenti Tale Heydərov deyib.

“Panatinaikos”la görüşə canlı olaraq tamaş edən Tale Heydərov “Qəbələ” ilə yanaşı, “Qarabağ”ın uğurunu da qeyd edib: “Şadam ki, bu gün “Qarabağ” və “Qəbələ” qrup mərhələsinə adladı. Sevincimi ifadə etmək üçün söz tapa bilmirəm. Əlimizdən gələni edəcəyik ki, qrup mərhələsində də uğurla çıxış edək. Qrupdakı rəqiblər bizdən güclüdür”.

Klub rəhbəri yeni transferlərlə bağlı sualı belə cavablandırıb: “Heyəti gücləndirmək üçün çalışacağıq. Hər şey baş məşqçidən asılıdır”.