"Nant"ın erməni futbolçusu Bakıya gələcək?

"Qarabağ"ın Avropa Liqasının qrup mərhələsindəki rəqiblərindən olan "Nant"ın futbolçusu Qor Manvelyan Ağdam təmsilçisi ilə Bakıdakı oyunda iştirak etməyəcək.

Futbolxeber.az saytının Fransa mətbuatına istinadən verdiyi məlumata görə, Fransa klubu 20 yaşlı yarımmüdafiəçini Azərbaycana gətirməyəcək.

Qeyd edək ki, Fransa vətəndaşlığına sahib erməni əsilli futbolçu Manvelyan komandanın əsas heyətinin üzvü deyil. O, bu mövsüm Fransa liqasının 3 matçında da əvvəldən axıradək ehtiyatda qalıb.

Xatırladaq ki, "Qarabağ" "Nant"la ev matçını sentyabrın 15-i. səfər oyununu isə oktyabrın 27-si keçirəcək.