Milutinoviç: “Azərbaycan yığmasında keyfiyyət elə də çox deyil”

"Belə bir qrupun bütün komandalar üçün çətin olacağını düşünürəm. Möhtəşəm oyunçularımız var və düşünürəm ki, seçmə mərhələdə ən vacib şey həvəs və ehtirasdır. Oyunçular başa düşməlidirlər ki, bəlkə də, bu, onların bir çoxu üçün dünya çempionatında iştirak etmək baxımından son şansdır. Dünya çempionatında ölkəniz üçün oynamaqdan yaxşı bir şey yoxdur. Milli komandaya gəlincə, ən əsası komanda ruhudur".

Futbolxeber.az saytının məlumatına görə, bu sözləri tanınmış serbiyalı mütəxəssis Bora Milutinoviç Serbiya millisinin DÇ-2022-nin seçmə mərhələsindəki şanslarını dəyərləndirərkən deyib.

Buna qədər 5 fərqli millini (Meksika, Kosta-Rika, ABŞ, Nigeriya və Çin) mundiala yüksəldən Milutinoviç Azərbaycan yığmasının elə də keyfiyyətli komanda olduğunu vurğulayıb: “Qrup biz və Portuqaliya yüksək keyfiyyətə sahibik. İrlandiya bir qədər aşağı səviyyəlidir. Azərbaycan və Lüksemburq yığmalarında isə keyfiyyət elə də çox deyil. Hətta biz Qətərlə yoldaşlıq matçları da keçirəcəyik".