David Vilya heç-heçəyə görə hakimi günahlandırdı

"Atletiko"nun hücumçusu David Vilya İspaniya Superkubokunun ilk oyunu çərçivəsində "Barselona"ya qarşı baş tutan oyun haqda fikirlərini açıqlayıb. Futbolxeber.az-ın məlumatına görə, təcrübəli futbolçu bildirib ki, hakim Busketsi meydandan qovmalı idi: "Çox şadam ki, qol vurmaqla oyunda hesabı açdım. Təəssüf ki, qələbə hesabını sonadək qoruya bilmədik. Güclü rəqiblər oyunda xeyli güc sərf etdik. Amma daha artığına ümid edə bilərdik.  Busketsin epizodu oyunda həlledici an oldu. Əgər, həmin epizodda ikinci sarı vərəqə göstərilsəydi, oyunun axarı tam fərqli olardı. Amma o vəziyyətdən yaxşı çıxdı. Həmin anda biz hesabda öndə idik və rəqib azlıqda qalsaydı, qələbə qazanacağımıza əmin idim. Lakin nə etmək olar? Hakim də insandır və o da səhv edə bilər".