11 ildən sonra “Sent-Luis”lə vidalaşdı

Rusiyalı hokkeyçi Vladimir Tarasenko Milli Hokkey Liqasında (NHL) klubunu dəyişib.

Futbolxeber.az saytının xarici KİV-ə istinadən verdiyi məlumata görə, 31 yaşlı hücumçu “Sent-Luis”dən “Nyu-York Reyncers”ə keçib.

Tarasenko 11 ildi çıxış etdiyi “Sent-Luis” azarkeşləri ilə vidalaşıb.

“11 mövsüm və milyonlarla xatirə... Burada NHL-ə düşməkdən Stenli kubokunu qazanmağa kimi bir çox uğura nail oldum. Bütün bu xatirələr bir ömür boyu mənlə yaşayacaq. “Sent-Luis Blyuz”un təşkilatçılarına, məşqçilərimə, komanda yoldaşlarıma, klubun əməkdaşlarına minnətdaram. Sağ olun ki, komandanı bu illər ərzində möhtəşəm etdiniz. 11 il əvvəl bura gələrkən qazandığım uğurları yalnız xəyal edə bilərdim. Bu cür insanlarla çalışdığım üçün bəxtim gətirib. Ən əsası siz fanatlar ilk gündən məni öz ailənizə qəbul etdiniz. Bu illər ərzində “Sent-Luis”in uğurları üçün çalışmaq mənim üçün şərəf idi. Qəlbimdə daim xüsusi yeriniz olacaq”, - deyə Tarasenko vida məktubunda yazıb.