Ayxan Abbasovdan qələbə şərhi: "Stresli matç idi"

"Azarkeşlərimizi, futbolçuları, rəhbərliyi təbrik edirəm. Mühüm oyun idi. "Araz-Naxçıvan" da, biz də yuxarıdan qopmaq istəmirdik. Stresli matç idi. Bəlkə də bu stress hücumda kəsərli olmağımıza mane olurdu".

Futbolxeber.az saytının məlumatına görə, bu sözləri "Turan Tovuz"un baş məşqçisi Ayxan Abbasov Azərbaycan Premyer Liqasının 26-cı turunda bu gün "Araz-Naxçıvan"a qalib gəldikləri matçdan sonra mətbuat konfransında deyib.

O, 2:0 hesablı qələbəni belə şərh edib: "İlk hissədə rəqib yaxşı müdafiə olunurdu. Bir az çətinlik çəkirdik. İkinci hissədə dəyişikliklər etdik. Sona qədər öz şansımızı gözləyib tələsməmək lazım idi. Bu gün bunu gördüm. Üçüncü dövrə bitir. İtkilərimiz, zədələrimiz var. Bəzi oyunçular hazır deyillər. Bunların da təsiri olur".

A.Abbasov 2 dəqiqəyə dubl edən Aleks Souzanı start heyətdə yox, sonradan meydana daxil etməsinin səbəbini də də izah edib: "Aleks tam hazır deyil, zədəsi var idi. Keçən oyunda da risk etdik. Bu gün Xəyal da zədədən sonra oynadı. Özünü yaxşı göstərdi".