“Sumqayıt”da 2 yeni müqavilə

2022/23 mövsümü üçün transfer çalışmalarına start verən “Sumqayıt” kapitanı ilə müqaviləni yeniləyib.

Futbolxeber.az saytının məlumatına görə, Vurğun Hüseynov növbəti mövsümdə də komandada çıxış edəcək.

Qeyd edək ki, Vurğun Hüseynov “Sumqayıt”ın tarixində ən çox oyun keçirən futbolçudur. 2013-cü ildə “Xəzər Lənkəran”la oyunda debüt edən təcrübəli müdafiəçi ümumilikdə 188 qarşılaşmada meydana çıxıb, 2 qol vurub.

Vurğun Hüseynovun ardınca vitse-kapitanı Vüqar Mustafayevlə də sözləşmə yenilənib. “Bakı”nın yetirməsi olan Mustafayev 3 illik yeni sözləşmə imzalayıb.

2019-cu ildən Sumqayıt təmsilçisinin şərəfini qoruyan 28 yaşlı dayaq yarımmüdafiəçisi bu müddət ərzində ümümilikdə 64 oyunda meydana çıxıb. O, həmçinin Azərbaycanın U-21, U-23 və əsas millilərinin də uğurları üçün çalışıb.