“Sabah” millimizin üzvü ilə vidalaşdı

“Sabah” futbolçusu Coşqun Diniyevlə yollarını ayırıb.

Futbolxeber.az-ın klubun rəsmi saytına istinadən verdiyi məlumata görə, 26 yaşlı yarımmüdafiəçi ilə müqaviləyə qarşılıqlı razılıq əsasında xitam verilib.

Paytaxt təmsilçisi Diniyevə xidmətlərinə görə təşəkkür edib, ona gələcək karyerasında uğurlar arzulayıb.

Qeyd edək ki, milli komandamızın üzvü 2019-cu ilin yanvar ayından “Sabah”ın uğurları üçün çalışırdı. O, bu müddətdə "Sabah"da keçirdiyi 54 oyunda 2 qola imza atıb.