“Lids” 25 il əvvəlki nəticəsini təkrarladı

İngiltərə Premyer Liqasının 20-ci turunda öz meydanında “Mançester Yunayted”i qəbul edən “Lids” heç-heçəyə imza atıb - 1:1.

Futbolxeber.az saytının məlumatına görə, bununla da Lids təmsilçisinin məğlubiyyətsiz oyunlar seriyası 7-yə çatıb.

Buna qədər “Liverpul” (3:3 və 0:0), “Brentford” (1:1), “Sanderlend”lə (1:1) xalları yarı bölən “Lids”, eyni zamanda “Çelsi" (3:1) və “Kristal Pelas”a (4:1) da qalib gəlib. Komanda sonuncu dəfə 2025-ci il noyabrın 29-da “Mançester Siti”yə 2:3 hesabı ilə uduzub.

Ardıcıl 7 oyunda uduzmayan “Lids” tarixi ərzində ən uzun məğlubiyyətsizlik seriyasını təkrarlayıb. Komanda ilk dəfə 2001-ci ildə Premyer Liqada ardıcıl 7 tur uduzmamışdı.

Qeyd edək ki, hazırda “Lids” 22 xalla turnir cədvəlində 16-cı yeri tutur. Komanda növbəti matçının yanvarın 7-də səfərdə “Nyukasl”a qarşı keçirəcək.