Avroliqada həftənin ən yaxşısı o seçildi

“Mançester Yunayted”in yarımmüdafiəçisi Marsel Zabitser Avroliqada həftənin ən yaxşı oyunçusu seçilib.

Futbolxeber.az saytının məlumatına görə, avstriyalı yarımmüdafiəçi “Sevilya” ilə görüşdə (2:2) dublla yadda qalıb.

29 yaşlı futbolçu səsvermədə Orkun Kökçü (“Feyenord”), Viktor Bonifas (“Yunion”) və Federiko Qatti (“Yuventus”) ilə mübarizədən qalib ayrılıb.

Qeyd edək ki, müqavilə ilə “Bavariya”ya məxsus olan Zabitser “Mançester Yunayted”in heyətində icarə əsasında çıxış edir. Cari mövsüm o, 13 oyunda 3 qol vurub.