Kazemiro: “Karyeram boyu formamda adımı səhv yazıblar”

“Mançester Yunayted”in yarımmüdafiəçisi Kazemiro maraqlı açıqlaması ilə diqqət çəkib.

Futbolxeber.az saytının xarici KİV-ə istinadən verdiyi məlumata görə, braziliyalı futbolçu bildirib ki, karyerası boyu formasında adı səhv yazılıb:

“Mənim adım Karlos Enrike Kazimirodur. Hansı ki, “e” yox, “i” ilə yazılır. Hələ “San Paulu”da çıxış etməyə başlayarkən ilk oyunda səhvən formamda Kazimiro yox, Kazemiro yazıldı. Həmin vaxt debütum əla alınmışdı. Ona görə də əminliklə dedim ki, hər şeyi olduğu kimi saxlayın. Məhz ondan sonra hər zaman formamda Kazemiro yazıldı və mən heç nəyi dəyişmədim”.

Xatırladaq ki, braziliyalı xavbek 2022-ci ildə “Real”dan “Mançester Yunayted”ə keçib.