AFFA 5 klubu cərimələdi

AFFA İntizam Komitəsinin növbəti iclası keçirilib.

Futbolxeber.az-ın Peşəkar Futbol Liqasının saytına istinadən verdiyi məlumata görə, iclasda Azərbaycan Premyer Liqasının 19-cu turundakı qayda pozuntuları ilə bağlı qərarlar qəbul olunub.

Azərbaycan Premyer Liqasının 19-cu turunun “Sabah” - “Neftçi” oyununda qonaq komandanın 4 futbolçusu sarı vərəqə aldığına görə “Neftçi”700 manat cərimə edilib.

Azərbaycan Premyer Liqasının 19-cu turunun “Sabah” - “Neftçi” oyununda qonaq komandanın azarkeşləri tərəfindən pirotexniki vasitədən istifadə edildiyinə görə “Neftçi” 1500 manat cərimə edilib.

Azərbaycan Premyer Liqasının 19-cu turunun “Sabah” - “Neftçi” oyunu bitdikdən sonra meydançaya kənar şəxslər daxil olduğuna görə meydan sahibi komanda 800 manat cərimə edilib.

Azərbaycan Premyer Liqasının 19-cu turunun “Səbail” - “Zirə” oyununda meydan sahibi komandanın 4 futbolçusu sarı vərəqə aldığına görə “Səbail” 700 manat cərimə edilib.

Azərbaycan Premyer Liqasının 19-cu turunun “Kəpəz” - “Turan Tovuz” oyununda qonaq komandanın azarkeşləri tərəfindən pirotexniki vasitədən istifadə edildiyinə görə “Turan Tovuz”  1500 manat cərimə edilib.

Azərbaycan Premyer Liqasının 19-cu turunun “Kəpəz” - “Turan Tovuz” oyununun 9-cu dəqiqəsində qonaq komandanın futbolçusu Faiq Hacıyev ciddi qayda pozuntusuna görə birbaşa qırmızı vərəqə aldığı üçün 1 oyun şərti olmaqla 2 oyun cəzalanıb, “Turan Tovuz” klubu 1500 manat cərimə edilib. Sınaq müddəti 3 ay təyin edilib.

Azərbaycan Premyer Liqasının 19-cu turunun “Qəbələ” - “Sumqayıt” oyununda qonaq komandanın 4 futbolçusu sarı vərəqə aldığına görə “Sumqayıt”  700 manat cərimə edilib.