Türkiyə klubunun üzvü: “Qəlbim və fikrim “Səbail”in yanında olacaq”

“Bu mövsüm qəlbim və fikrim “Səbail”in yanında olacaq”.

Futbolxeber.az saytına açıqlamasında bunu millimizin üzvü, bir müddət əvvəl Türkiyənin “Ümraniyespor” klubuna transfer olunan Coşqun Diniyev deyib.

28 yaşlı yarımmüdafiəçi yay transfer pəncərəsi zamanı “Səbail”ə keçsə də, 1-2 gün sonra paytaxt klubundan ayrılaraq “Ümraniyespor”la müqavilə imzaladı.

Təcrübəli yarımmüdafiəçi bildirib ki, klubu tərk etsə də, atası Şahin Diniyevin çalışdırdığı “Səbail”in uğurlu çıxış edəcəyinə inanır:

“Səbail”in Avropa yolunda inamla addımlayacağına inanıram. Atamın necə məşqçi olduğunu bilirəm, bol-bol uğurlar arzulayıram. Allah hər zaman onun yanında olsun”.