Ölkə futbolu
"Həyatda peşmanlıqlarım çox olub"
"Qarabağ"ın baş məşqçisi Qurban Qurbanovun aprelin 13-də 51 yaşı tamam olub. Təcrübəli mütəxəssis futbolçu olduğu dönəmdə "Turan"da və "Neftçi"də ümumilikdə dörd dəfə ölkə çempionluğu sevinci yaşayıb. 2008-ci ildən Ağdam təmsilçisində baş məşqçi işləyən Qurbanov bu komanda ilə səkkiz dəfə Premyer Liqanın, dörd dəfə isə Azərbaycan Kubokunun qalibi olub. Baş məşqçi doğum günü ilə əlaqədar "Report"un suallarını cavablandırıb.
Futbolxeber.az həmin müsahibəni təqdim edir:
- Gec də olsa, sizi təbrik edirik. Geriyə baxanda 51 ili necə xarakterizə edərdiniz?
- Çox sağ olun, xoş gəlmisiniz. 51 il artıq arxada qalıb. Bildiyiniz kimi belə günlərə elə də çox önəm vermirəm. İşimiz elədir ki, ad günümüz əsasən bununla bağlı olur. İllər boyu bu sahənin içindəyik. Nə istirahətə, nə də başqa fikirləri həyata keçirməyə vaxtımız olur. Çünki bizə elə bir iş tapşırılıb ki, bütün diqqətimiz burada olmalıdır. Geriyə baxanda sadəcə hazırkı işim və futbolçu olduğum illəri xatırlaya və o anları yada sala bilərəm. Amma yenə də qarşıdakı hər ilin daha da yaxşı olmasını istəyirik. Bunun üçün də çox güc sərf etməli və məsuliyyətli olmalıyıq. Geriyə qayıdıb nəsə söyləmək yox, daha çox irəliyə baxmaq niyyətindəyəm.
- Ötən illərdə peşmanlıq duyduğunuz an olubmu? Nə vaxtsa fikirləşmisinizmi ki kaş bunu etməyəydim?
- Belə hallar, peşmanlıq çox olub. Əlbəttə ki, burada onu izah edə və adını çəkə bilmərəm. Amma çox olduğunu deyə bilərəm. İşimdə, həyatda, həm də təhsil aldığım dönəmdə bu cür anlar var idi. Əfsuslar olsun ki, geriyə qayıdıb onları düzəldə bilmirəm. Keçmişi xatırlamaq gələcəkdə o səhvləri təkrarlamamaqda köməklik edir. Amma deyərdim ki, həyatda peşmanlıq hissi keçirdiyim vaxtlar çox olub.
- Oynadığınız dönəmi xatırladınız. "Qarabağ"ın baş məşqçisi futbolçu Qurban Qurbanovu öz komandasında görmək istərdimi və karyerasının hansı dönəmini?
- Bu suala necə cavab verəcəyimi bilmirəm. İndi futbol tam başqa şeylər tələb edir. Sadəcə, özümü tanıdığım üçün istərdim ki, mənim kimi istəkli futbolçular komandada daha çox olsun. Futbolçu Qurban Qurbanov bu kollektivdə necə çıxış edərdi, uyğunlaşa bilərdimi? Bunları deyə bilməyəcəyəm. Amma belə futbolçunun ən azından xarakterinə, işgüzarlığına görə komandamızda olmasını istəyərdim.
- Demək olar ki, "Qarabağ"dakı nəticələrinizlə ölkə futbolunun yükünü çiyinlərinizdə daşıyırsınız. Sizdən sonra hansısa mütəxəssisin bu uğurlara imza atacağını düşünürsünüzmü?
- İnanın, bu barədə danışmaq mənim üçün çox ağırdır. Həyatda, futbolda, məşqçilikdə və bütün sahələrdə əvəzolunmaz insan yoxdur. Sadəcə, həmişə çalışmışam ki, üzərimə düşən vəzifəni daim layiqincə yerinə yetirim. Amma bizdən başqa bunları edəcək birisi yoxdur deyə bilmərəm. Çünki ölkəmizdə çox istəkli, bacarıqlı məşqçilərimiz var. Ümumiyyətlə, futbol və idman karyerası elədir ki, hərənin öz dönəmi olur. O gedir və daha sonra başqası gəlir. Mənədək və bizim dövrümüzdə də çox yaxşı baş məşqçilərimiz olub. İnanıram ki, bundan sonra daha yaxşı mütəxəssislər olacaq. Sadəcə, idman elə şeydir ki, burada uğur əldə edən simalar, fərdlər olur. Şükürlər edirəm ki, bu, mənə də nəsib oldu və Azərbaycan reallığında nəticələr qazana bildik. Həmişə yerli məşqçilərimizin ön planda olmasını istəmişəm. Tanıdığım mütəxəssislər də istəklidirlər, əziyyət çəkirlər. Hazırda "Turan Tovuz"da işləyən Ayxan Abbasov, "Qəbələ"dən Elmar Baxşıyev, "Zirə"dən Rəşad Sadıqov, Aftandil Hacıyev və "Kəpəz"dən Tərlan Əhmədovu misal göstərə bilərəm. Bəlkə kimisə unutdum, xatırlamadım, üzrlü hesab etsinlər. Öz üzərlərində çalışan məşqçilər həddindən artıq çoxdur. Onların haqqında eşidirəm, məlumat da alıram. İstərdim ki, hər şeyi mənim üzərimdə qurmayaq.
- Futboldan, idmandan əlavə başqa işlərə vaxtınız qalırmı? Qalırsa, nə ilə məşğul olursunuz?
- Ümumiyyətlə, vaxtımız çox az olur. Qısa cavab verəcəyəm. Ay ərzində iki və ya üç dəfə stolüstü tennis oynamağa üstünlük verirəm. Bu idman növü ilə məşğul olmağı bəyənirəm. Bundan əlavə, özüm idman etməyi və saunaya getməyi xoşlayıram. İşimdən əlavə məşğul olduğum xobbilər bunlardır. Başqa bir şey yoxdur.
- Bu qədər məşhur olmaq şəxsi həyatınıza mane olurmu? Ola bilməz ki, küçədə Qurban Qurbanovu görsünlər və şəkil çəkdirmək istəməsinlər...
- Belə hallar xoşdur. Amma bunların mənə mane olan və köməklik edən vaxtları da olub. Çox üzdə olmaq istəmirəm. Buna vaxtımız da çatmır. Hər halda kimsə yaxınlaşsa, onu əliboş qaytarmamağa çalışırıq. Hər bir azərbaycanlını çox istəyirəm və böyük hörmətim var.
- Nə vaxtadək "Qarabağ"da qalmağı planlaşdırırsınız? Məşqçilikdən getmək kimi bir müddət təyin etmisinizmi? Sizi başqa hansısa klubda görə biləcəyikmi?
- Hər insanın gələcəyə aid fikirləri və ideyaları olur. Mənim də neçə il bu sahədə çalışacağıma dair, "Qarabağ"da qalmaq və ya qalmamaqla bağlı düşüncələrim var. Belə fikirlərim var, amma açıqlamasam, daha yaxşı olar. Bir şeyi deyim ki, sanki çox uzun müddət, indidən sonra 10 və ya 15 il baş məşqçi kimi işləmək həvəsində deyiləm. Hər şeyi gələcək göstərəcək və irəlidəki dönəmlərdə hər şey nizamlanacaq.
- Karyeranız başa çatandan sonra Bakıda, yoxsa boya-başa çatdığınız Zaqatalada yaşamağı üstün tutarsınız?
- Zaqatala mənim ürəyimdir. Orada doğulmuşam, boya-başa çatmışam. Amma mən paytaxt Bakını çox sevirəm. Buradan başqa yerdə yaşamağı düşünmürəm. O qədər bu şəhərə vurulmuşam və paytaxtımızı çox istəyirəm. Burada yaşamağı arzulayıram.
- Avropada bir çox mütəxəssislər özləri haqqında avtobioqrafik kitab yazırlar. Sizin belə bir fikriniz varmı və ya bununla bağlı təklifər olubmu?
- Düzünü desəm, müraciətlər olub. Hətta öz yaxınlarımızdan, ətrafımızdan da təklif gəlib ("Qarabağ"ın mətbuat katibi Gündüz Abbaszadəyə baxaraq gülür - T.Q.) Amma inanın mənə, ümumiyyətlə, heç istəmirəm, marağında da deyiləm. Amma ola bilər kimsə yazsın. Hələlik belə təkliflərə "yox" demişəm. Sanki buna vaxt ayırmaq niyyətim yoxdur.
- Xarici futbol trendlərini izlədiyinizi bilirik. İlk vaxtlar Xosep Qvardiolanın "Barselona"sının sistemindən daha çox faydalanırdınız. Hətta "Qarabağ"a "Qafqazın Barselonası" da deyirdilər. Hazırda hansısa mütəxəssislərdən bəhrələnirsinizmi?
- Bəli, belə dönəm olub. Bəlkə də "Barselona"nın akademiyasından tam məlumatınız yoxdur. Mən Kataloniya təmsilçisinin akademiyasında olmuşam. Özümün də həmişə bu komandaya, onların oyununa çox böyük marağım olub. Qvardiola hazırda İngiltərədə, "Mançester Siti"də çalışır. Mənim üçün təkcə məşqçi yox, klubun, komandanın sistemi önəm kəsb edib.
- Deməli, "Qarabağ" akademiyasının "Barselona"dakına bənzəməsini arzulayırsınız?
- Bəli. "Barselona"da elə bir sistem və fəlsəfə qurulub ki, futbola aid nə lazımdırsa, orada var. Sadəcə, hansı məşqçi ondan necə istifadə edəcək və həyata keçirəcək, bu, bir az fərqlidir. Ümumi iş prinsipi olaraq "Barselona"nın məşq və oyun proqramları ilə maraqlanmışam və daim diqqətimdədir. Çox istərdim ki, burada da belə sistem qurulsun. Təkcə əsas komandada yox, akademiyada bu gerçəkləşsin. Çünki orada yaxşı futbola aid hər şey var.
- Sizi daha çox təmkinli mütəxəssis kimi tanıyırıq. Həyatda, yoxsa futbolda təmkinli olmaq çətindir?
- Hər ikisində bunu nizamlamaq və təmkinli olmağı bacarmaq lazımdır. Ümumiyyətlə, bacardığımız qədər təmkinli olmağa çalışırıq.
- Futbol oynadığınız vaxt müsahibəniz yayımlanmışdı. O vaxt yanınızda olan kiçik övladınız Musa Qurbanlının böyüyüb potensiallı futbolçu olacağını təxmin edirdinizmi?
- Yəqin ki, həmin an bu barədə düşünməmişəm. Amma həmişə ata olaraq Musanın futbolçu olmasını və yaxşı oynamasını arzulamışam.
- Onun karyerasına təsiriniz nə qədərdir?
- Bu, hər zaman qarşılıqlı olur. Bəzi şeylərə fikir belə bildirmirəm. Elə də olur ki, məsələləri birlikdə müzakirə edirik.
Şərh yazılmayıb
|
ŞƏRH YAZ
|
Çox oxunan xəbərlər
- Milli komandamızın yeni baş məşqçisi müəyyənləşib: Mayın əvvəli Bakıya gəlir
- Asif Məmmədov: “Kimsə bunu sübut etsə, üzr istəməyə hazıram”
- AFFA İcraiyyə Komitəsinin üzvü: “Hələlik çempionatda 10 komanda qalmalıdır”
- AFFA İcraiyyə Komitəsinin üzvü: “Premyer Liqada klub sayının artırılması gündəmdədir”
- Minifutbol millimizin heyəti narazılıqla qarşılandı, baş məşqçi danışmaq istəmədi
- Basketbol federasiyasının diqqətinə: Təhlükəsizliyə bu qədər biganə yanaşmaq olmaz!
- “Aznur”un baş məşqçisi: “Mənim üçün “Birbaşa Bakı” “Zirə”dən daha narahat rəqibdir”
- Ayxan Abbasov: “Komanda adı çəkmək mənə yaraşmaz, amma bu söhbətlər olacaq”
- Avropa çempionatında möhtəşəm nəticə
- “Qarabağ”ın mükafatlandırma mərasiminin yeri və məkanı dəyişdi - ÖZƏL
- Hakimlər “kimə işləyir”? - Araşdırma
- 90-cı dəqiqədə meydana çıxdı, “Neftçi” - “Araz-Naxçıvan” oyununun ən yaxşısı seçildi
- Emin Əmrullayev “Neftçi”ni təbrik edib, AFFA İcraiyyə Komitəsindən danışdı: “Bu nəticəyə görə sevinirik”
- Klublar Komitəsinin iclası keçirilib
- “Futzaldır, minifutboldur, bizim mentalitetlə “1 nömrə” kimi oynamaq çətindir, o potensial bizdə yoxdur”
-
13:49
AFFA klublara təhlükəsizlik mövzusunda seminar keçib
-
13:21
Azərbaycan şahmatçıları beynəlxalq turnirdə iştirak edirlər
-
13:08
Azərbaycan amputant millisi Türkiyədə təlim-məşq toplanışında olub
-
12:50
Azərbaycanda körlinq idman bölməsi açılıb
-
12:37
Bakıda keçirilən atıcılıq üzrə Dünya Kubokunda növbəti medalçılar bəlli olub
-
12:25
AFFA-dan Yuri Matiasa sərt cəza
-
12:13
"Turan Tovuz"un legioneri üçün mövsüm bitdi
-
11:52
“Kəpəz”in 2 futbolçusuna 4 oyunluq cəza verildi
-
11:04
Heydər Əliyevin xatirəsinə həsr edilmiş futzal turnirinin qalibi bəlli olub
-
10:49
“Neftçi” - “Kəpəz” oyununun biletləri satışda
-
10:27
Qadın boksçulardan ibarət Azərbaycan yığması Almatıda hazırlıq keçəcək
-
10:11
Yeniyetmələr arasında badminton üzrə Azərbaycan birinciliyi keçirilib
-
09:48
Azərbaycan Basketbol Liqası: "Sabah" finala yaxınlaşdı
-
09:30
"Borrusiya" ÇL-də ilk finalçı oldu VİDEO
-
19:25
“Neftçi”də Emin Mahmudovun “torbası tikilir”?
-
18:59
II Liqa: Ev sahibləri üçün uğursuz gün
-
18:33
Şehiç milli karyerasını başa vurdu
-
17:17
Azərbaycan bədii gimastı Dünya Kubokunda iştirak edəcək
-
16:44
"Araz-Naxçıvan"dan "qızıl dubl"
-
16:26
Azərbaycanlı güləşçinin oğlu ABŞ-da ötən ilin ən yaxşısı seçilib
-
15:57
Azərbaycan parakarateçiləri Avropa çempionatında iştirak edəcəklər
-
14:30
AFFA İcraiyyə Komitəsinin üzvü: “Hələlik çempionatda 10 komanda qalmalıdır”
-
14:12
Millimizin üzvü: "Xorvatiyaya qarşı layiqli mübarizə aparmağa çalışacağıq"
-
13:58
Millimiz Türkiyəyə də uduzdu
-
13:39
Faiq Qarayev: "İstəyim odur ki, voleybol Azərbaycanda öz yerini tapsın"
-
13:01
Bakıda keçirilən atıcılıq üzrə Dünya Kubokunda növbəti medallar sahibini tapıb
-
12:45
Azərbaycanın millisi Qızıl Avropa Liqasına hazırlıqları davam etdirir
-
12:24
“Gəncə” baş məşqçisi ilə bağlı qərarını açıqlayıb
-
11:57
"Formula 1": Bakıdakı yarış üçün marşalların təliminə başlanılıb
-
11:33
Musa Qurbanlı “Yurqorden”in U-21 komandasında fərqləndi
-
11:19
Cəlal Hüseynov 90 dəqiqə oynadı
-
11:08
"Mançester Yunayted" darmadağın oldu VİDEO
-
10:52
Azərbaycan karateçiləri Avropa çempionatında mübarizə aparacaqlar
-
10:46
"Lill" - "Lion" matçında 7 qol VİDEO
-
10:35
Kapitan: "Yarımfinalda favorit yoxdur"
-
10:24
"Atalanta"dan əzmkar qələbə VİDEO
-
10:13
"Traktor" səfərdə 3 xal qazandı
-
09:59
"Napoli" sonda qələbəni əldən verdi VİDEO
-
09:47
Krivotsyukun qolu kifayət etmədi
-
09:30
"Fənərbaxça" çempionluq yolunda ağır zərbə aldı VİDEO
-
22:00
Diniyev: "Deyiləcək söz yoxdur"
-
21:41
Sxadadze ilk qələbəsini şərh etdi
-
20:55
"Səbail" "Qəbələ"yə məğlub oldu
-
18:37
Azərbaycan və Kosta Rika Gimnastika Federasiyaları arasında memorandum imzalanıb
-
18:06
"Səbail" - "Qəbələ": Heyətlər açıqlandı
-
17:52
Avropa çempionatında iştirak edəcək Azərbaycan taekvondoçuları bəlli olub
-
17:25
Bakı dünyanın "İdman Paytaxtı” seçilib
-
17:14
"Kocaelispor"un prezidenti Ramilin oyunundan narazı qalıb
-
16:43
Azərbaycanın beynəlxalq kateqoriyalı güləş hakimlərinin sayı artıb
-
16:09
Nazir Ülviyyə Fətəliyevanı qəbul edib