9 May 2024, Cümə axşamı
Nazir iş adamlarına səsləndi
“Neftçi”də maliyyə böhranı
XXXV turun oyun cədvəli açıqlandı
"İmarət"dən yeni görüntülər

Ölkə futbolu

"Vurduğum qolu şəhidlərə və əsgərlərə həsr edirəm"

"Pandemiyadan sonra ilk qələbəmizi qazandıq. Bundan əvvəlki 3 matçda da yaxşı oynamışdıq. Sadəcə həmin görüşlərdə bəxtimiz gətirmirdi və fürsətlərdən istifadə edə bilmirdik".

Futbolxeber.az saytının məlumatına görə, bu fikirləri Gürcüstanın "Samtrediya" klubunun futbolçusu Nicat Qurbanov Premyer Liqanın XI turunda “Merani”ni 2:1 hesabı ilə məğlub etdikləri matç barədə danışarkən deyib.

54-cü dəqiqədə penaltidən fərqlənən və komandasının qələbə qoluna imza atan 28 yaşlı yarımmüdafiəçi qarşılaşmada əllərindən gələni etdiklərini bildirib.

Qurbanov vurduğu qolu əsgər salamı ilə qeyd etməsindən də danışıb: "Əsas qələbə qazanmaqdır və qol vurmaq ikinci plandadır. Fərqlənməyim mənə sevinc bəxş etdi. 3-4 gündür fikirləşirdim ki, qol vursam əsgər salamı ilə qeyd edəcəyəm. Azərbaycan-Ermənistan sərhədində baş verən hadisələrdən sonra bu qərara gəldim. Futbolçu öz dəstəyini necə göstərə bilər? Mənim də əlimdən bu gəldi. Bunun ölkəmizdə bu qədər danışılacağını gözləmirdim, mənim üçün də gözlənilməz oldu. Amma əsas məsələ niyyət idi və bunu edə bildim".

Futbolçu vurduğu qolu şəhidlərə və bütün əsgərlərə həsr etdiyini deyib: "Onlarda azacıq da olsa, ruh yüksəkliyi yarada bildimsə, bu, mənim üçün sevinc və şərəfdir" (“Report”). 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

May 2024
B.eÇ.aÇC.aCŞB
01 02 03 04 05
06 07 08 09 10 11 12
13 14 15 16 17 18 19
20 21 22 23 24 25 26
27 28 29 30 31