16 Oktyabr 2019, Çərşənbə
Millimiz İsveçrəyə uduzdu
U-19 San Marinoya qalib gəldi
VII turun hakim təyinatları
Millinin ən yaxşısı - Şeydayev

Ölkə futbolu

"İnanmıram ki, AFFA rəhbərliyi elə cılız addım atsın"

Bir neçə gün öncə ATV kanalının idman jurnalisti İlkin Xəlilovun U-21 milli komandamızın Lixtenşteynə uduzması barədə hazırladığı tənqidi sujet ona baha başa gəldi. Beləki, bu sujetə görə kanal rəhbərliyi təcrübəli jurnalistlə yolları ayırmağı planlaşdırır.
 
Futbolxeber.az saytının məlumatına görə, İlkin Xəlilov "Yeni Sabah"a açıqlamasında sözügedən sujetə görə AFFA tərəfinin cılız addıma əl atacağına inanmadığnı və əvvəllər də bu tipli sujetlər hazırladığını bildirib:
 
"Mənim telekanladan uzaqlaşmağıma AFFA-nın səbəb olduğuna inanmıram. İnanmıram ki, AFFA rəhbərliyi elə cılız addım atsın. Çünki mən onları dəfələrlə təndiq eləmişəm, birinci dəfə deyil. 20 ildir jurnalistəm, 17 ildir ATV-də işləyirəm. 17 ildə 70-80 dəfə tənqidi sujet vermişəm. Təkcə futbol haqqında yox, digər mövzular haqqında da olub. 
 
AFFA-dan şəxsən mənə zəng vurulmayıb. Şirkət rəhbərliyinə zəng vuranda mənə açıqlamırlar, ola bilsin, zəng edib etiraz bildiriblər. Amma konkret səbəb qoyulsun ki, "bu adam buna görə işdən çıxarılsın" buna inanmağım gəlmir. Elxan Məmmədovu nə qədər tənqid etsəm də, cılız işlərə getməyinə inanmıram. İşdən çıxarılmaq sadəcə,  şirkət rəhbərliyinin özünün təşəbbüsü olub". 
 
Təcrübəli jurnalist ATV kanalınının sujetdən narazı qaldığını, guya burada təhqirsaçan ifadələr olduğunu və bu səbəbdən də onun haqqında uzaqlaşdırma qərarı verilə biləcəyini söyləyib:
 
"ATV rəhbərliyi sujetdən narazı qalıb. Nə qədər absurd olsa da, mən guya, həmin sujetdə AFFA-nı təhqir etmişəm, AFFA-ya qarşı haqsızlıq etmişəm, jurnalist peşəsindən suiistifadə etmişəm. Çox maraqlıdır ki, AFFA özü buna etiraz etmir, səsini çıxramır, amma ATV rəhbərliyi AFFA əvəzinə vəkillik edir.
 
Mən hazırda ATV-nin işçisiyəm. Sabah bu məsələ dəqiqləşəcək ki, mən qalıram, yoxsa yox".



Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Oktyabr 2019
B.eÇ.aÇC.aCŞB
01 02 03 04 05 06
07 08 09 10 11 12 13
14 15 16 17 18 19 20
21 22 23 24 25 26 27
28 29 30 31