18 Iyun 2019, Çərşənbə axşamı
"Qarabağ"ın rəqibi hansı komanda olacaq?
"Keşlə" legionerlə müqavilə imzaladı
Mahir Əmrəli "Qarabağ"ı tərk edə bilər
Stiven Monroz rəsmən "Neftçi"də

Ölkə futbolu

Pires: "Avroliqanın finalı Bakı üçün çox gözəl imkandır”

"Avropa Liqasının finalı kimi tədbirə ev sahibliyi etmək Azərbaycan, xüsusən də Bakı şəhəri üçün çox gözəl imkandır".

Bunu Bakıda səfərdə olan Fransa milli komandasının sabiq futbolçusu Rober Pires deyib. O bildirib ki, finalda Londonun iki komandası - "Arsenal" və "Çelsi"nin qarşılaşması xüsusi məqamdır. Pires həlledici qarşılaşmada "Arsenal"a azarkeşlik edəcəyini bildirib: "Çünki karyeramın 6 ilini bu klubda keçirmişəm. Eyni zamanda bu komandada səfir kimi fəaliyyət göstərirəm. Finalda oynamaqla yanaşı, "Arsenal"da bu titulu qazanmasını gözləyirəm".

Fransalı veteran oyunçunun fikrincə, Bakı Londondan elə də uzaq deyil: "İki şəhər arasında təyyarə ilə cəmi 5 saatlıq yol var. Bu, həm "Arsenal", həm də "Çelsi" azarkeşləri üçün yeni ölkə və şəhəri kəşf etmək baxımından yeni imkandır".

Pires Bakı Olimpiya Stadionunda keçiriləcək final matçının təşkilati işləri ilə yaxından maraqlandığını da vurğulayıb: "Final matçına sponsorlardan birinin nümayəndəsi kimi cəlb olunuram. Azərbaycanlı azarkeşlərin futbol sevgisinə bələdəm. Stadion böyükdür. Hər iki komanda azarkeşləri üçün final matçının çox maraqlı keçəcəyinə inanıram".  

Qeyd edək ki, Rober Pires 2000 - 2006-cı illərdə çıxış etdiyi "Arsenal"ın heyətində 2 dəfə İngiltərə çempionu (2001/2002, 2003/2004) və Federasiya Kubokunun qalibi (2002/2003, 2004/2005), eləcə də Çempionlar Liqasının finalçısı (2005/2006) olub. Fransa millisinin heyətində isə o, dünya (1998) və Avropa çempionu (2000), Konfederasiyalar Kubokunun 2 qat qalibi (2001, 2003) adını qazanıb (Report).

 

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Iyun 2019
B.eÇ.aÇC.aCŞB
01 02
03 04 05 06 07 08 09
10 11 12 13 14 15 16
17 18 19 20 21 22 23
24 25 26 27 28 29 30





Click to Visit