Ölkə futbolu
Rüstəm Əfsərli: "Neftçi" ilə mətbuat arasında rabitə itib"
"CBC Sport"un şərhçisi, həmkarımız Rüstəm Əfsərli bundan sonra "Neftçi"nin Mətbuat və İctimaiyyətlə Əlaqələr Şöbəsinin rəhbəri kimi fəaliyyət göstərəcək.
Azərbaycanın köklü klublarından olan "Neftçi"nin bugünkü durumu heç də ürəkaçan deyil. 80 illiyində heç bir titul qazana bilməyən flaqman ən çox tənqidlə üzləşən klublarımızdandı. Xüsusən də media tərəfindən. Bu mənada Əfsərlinin üzərinə böyük yük düşəcəyi qaçılmazdı. Bəs həmkarımızın fikri, planları nədi? Ümumiyyətlə "Neftçi"nin mətbuat xidmətinə hansı yenilikləri gətirmək niyyətindədi?
Bu kimi suallara elə Rüstəm bəyin özündən cavab verib. Futbolxeber.az-ın məlumatına görə, vaxtilə "Simurq"da, AZAL-da mətbuat katibi kimi çalışmış həmkarımız Sport7.az-a müsahibəsində bunları söylədi:
- "CBC Sport"dan ayrılmaq, yenidən klub rəsmisi kimi fəaliyyətə başlamaq çətin deyildi ki?
- İndidən bu haqda danışmaq, dəqiq cavab vermək daha çətindi. Sonuncu dəfə klubdan 2013-cü ildə çıxmışam. O vaxtdan bəri Azərbaycan futbolunda çox şey dəyişib. Amma düşünürəm ki, AZAL-da, "Simurq"da topladığım təcrübə köməyimə çatacaq. Bu haqda ancaq işə başlayandan sonra danışmaq mümkün. "Neftçi"də çalışmaq asan deyil. İctimaiyyətin diqqəti bu klubdadı. Mətbuatın da ən çox yer verdiyi klublardandı. Bütün bunlar hamısı işi daha da çətinləşdirir. Hər şeyi zaman göstərəcək. "CBC Sport"dan ayrılmaq da çox çətindi. İlk dəfə 2015-ci ildə, "Neftçi" - "Kəpəz" matçını şərh edəndə hələ "CBC Sport" deyə bir şey yox idi. Sadəcə, layihə, fikir formasında vardı. İlk dəfə şərh edəndə heç bu kanalın olacağı haqda da konkret nəsə yox idi. Bu yalnız 1 aydan sonra bəlli oldu. Bizi ora cəlb etdilər. Kanalın açıldığı ilk gündən indiyəcən sıralarında olmuşam. "CBC Sport" övladım kimi bir şeydi. Oğlumdan, qızımdan ayırmıram. Düşünürəm ki, telekanalın bu səviyyəyə çatmasında az da olsa əməyim var. Amma həyat elədi ki, xüsusən də yaradıcı insanlar belə məsələlərə həssas yanaşırlar. Yeniliyə cəhd etməyə çalışırsan. Amma "CBC Sport"dakı dostlardan ayrılıq, yalnız fizi ayrılıqdı. Bundan sonra ora gedib-gəlməyəcəm, amma "CBC Sport" karyeramda ən vacib yerlərdən birini tutur. Bununla yanaşı yeni mövsümdən etibarən mənə ehtiyac yaranarsa, ola bilər ki, İtaliya çempionatının oyunlarını şərh edim. Yəni, tam şəkildə təcrid olunmayacam. İlkin razılıq belədi ki, sentyabrda başlayacaq yeni mövsümdə, ehtiyac yaranarsa və burdakı işlərimi qaydasına salandan sonra, şərhçi kimi fəaliyyətimi davam etdirərəm. Ancaq sırf İtaliya çempionatını şərh edəcəm. Veriliş aparıcısı filan olmayacam.
- Neftçinin mətbuat xidmətinə hansı yeniliklər gətirəcəksiz?
- İşə başlamadan, nələrə ehtiyac olduğunu, klubda hansı işlərin görüldüyünü bilmədən, analiz aparmadan proqnoz və ya söz vermək çox çətindi. Kollektivlə tanış olmalıyam, hansı işlər görüldüyünü öyrənməliyəm. Bilirəm ki, "Neftçi"nin çox yaxşı kollektivi var. Dəfələrlə demişəm, sosial şəbəkələrdə fəaliyyət göstərirlər, yaxşı videoroliklər hazırlayılrlar. Amma hələ ki, heç kimlə şəxsən tanış olmamışam. Daxili mətbəxi biləndən, insanlarla tanış olandan sonra nəsə deyə bilərəm. Təbii ki, ideyalarım, məqsəd və fikirlərim çoxdu. Bu da qarşıdakı proseslərdə ortaya çıxacaq.
- Mətbuatla əlaqələrin yaxşılaşdırılması üçün hansı təklifləriniz var? Ümumiyyətlə nələri problem kimi görürsüz?
- Şəxsi, jurnalist yanaşmamdı, mənə elə gəlir ki, "Neftçi" ilə mətbuat arasında rabitə bir az itib. Bunun səbəbinin nə ilə bağlı olduğunu bilmirəm. Təbii ki, "Neftçi"dən gözləntilər çoxdu. Komandanın nəticələri yaxşı olmalıdı ki, mətbuatla münasibətlər qaydasına düşsün. Yəni təəssüratlarım belədi. çalışacam bu rabitəni bərpa edim. Amma yenə də klubun içində olmadan nəsə demək çətindi. Həmkarlarla ünsiyyətdə olmaq çox önəmlidi. Dəfələrlə demişəm, bura gəlməyim o demək deyil ki, sistemi "sındırıb" yenisini quracam. Belə bir şey yoxdu. Kifayət qədər yaxşı çalışıb indiyəcən. Sadəcə, nəticələrin pis olması, keçmişdə baş verənlər, böyükhesablı məğlubiyyətlər, bəzi anlaşılmazlıqlar bəlkə də təsirini göstərib. Amma düşünürəm ki, klubun mətbuat xidməti kifayət qədər yaxşı iş görüb, ən yaxşılardandı, sadəcə əsas missiyam o səviyyəni qorumaqdı. Mümkün qədər, öz təcrübəmdən yararlanaraq, daha yüksək səviyyəyə qaldıracam. İnkişaf hər bir sahədə mümkündü. İstər istəməz müasirliyə də ayaq uydurmaq lazımdı. Bir qədər geri qalsan zəifləyəcəksən. Yəni rabitənin itməsi məsələsin də aradan qaldırmaq mümkündü.
- "Neftçi"nin mətbuat xidmətində işləyən hər bir şəxs istənilən halda təzyiq altında olur. Həm Azərbaycanın köklü klubu olduğu üçün gözləntilər, həm də hazırkı nəticələr üzündən klubu tənqid edənlər kifayət qədər çoxdu. Bütün bunlara hazırsızmı?
- Bilirsiz, tənqid etməsən heç kimə maraqlı olmaz. Üstəlik mənim fikrimcə, Azərbaycanda klublar qədər ən çox tənqid olunanlar, bir hakimlərdi, bir də şərhçilər. Bəyənən, bəyənməyənlər olur. Elə bir dövrdə yaşayırıq ki, kimisə ictimai formada tənqid etmək çox asandı. Girisən "feysbuk"a, bir "tık" edirsən vəssalam. Kiminsə haqda fikrini bildirirsən. Qorxmaq, təzyiqdən çəkinmək ümumiyyətlə, mənə yaddı. Bu, şəxsi fikrimdi, klubda istənilən vəzifədə kimin çalışmasından asılı olmayaraq "Neftçi" həmişə tənqid ediləcək. Buna normal yanaşmaq lazımdı. Çünki mətbuat aracı, vasitəçidi. Xalqın, cəmiyyətin fikrini çatdırır. Belə düşünənlər varsa, deməli, nədənsə narazıdılar, ya da ki, əksinə. Düşünmürəm ki, "Neftçi"nin az və ya çox tənqid olunması, uğur yaxud ciddi problemdi. Həmişə olub, olacaq da. Bunlara təbii yanaşmaq lazımdı. İş görülməlidi ki, mümkün qədər tənqidlərin həcmi azalsın. Bu da işçilərin səmərəli fəaliyyətindən irəli gələn bir şeydi. Uğur, nəticələr, mətbuatla əlaqələr yaxşı səviyyədə olarsa, təbii ki, tənqidlər də azalacaq. Amma tənqidlərin sırf yox olmasından söhbət gedə bilməz. Tənqid inkişaf mühərrikidi. Tutalım ki, hansısa iş görürsən, 5 nəfər razı olur, 1 adam narazı. Belədə həmin o narazı adamın fikirlərinə uyğun iş görürsən ki, razı qalsın. Beləcə inkişaf da olacaq.
- "Neftçi"nin Müşahidə Şurasının da ayrıca mətbuat katibi var. Buna münasibətiniz necədi? Bir də ki, bu iki qurumun birləşdirilməsi nəzərdə tutulurmu?
- Açığı, klubun daxili strukturu, verilən qərarlar haqda heç nə bilmirəm. Bilirəm ki, Müşahidə Şurasının ayrıca sözçüsü var. Bu, Müşahidə Şurasının qərarlarını ictimaiyyətə çatdıran, adaşım Rüstəm Fətəliyevdi. Mən isə həm mətbuatla əlaqələrin yaxşılaşdırılması, klubun prestijinin yüksəldilməsi, həm də piar işlərinin aparılması üçün kluba dəvət olunmuşam. Bu sualın cavabı məndə yoxdu. Buna baxmayaraq düşünürəm ki, istənilən qurumun məlumatları bir nöqtədən çıxmalıdı. İşə başlayandan sonra mən klubda nələr olduğunu bilməliyəm. Baxaq, görək nə olur. Burda əsas məsələ klubun daxilində olan strukturların bir-biri ilə əlaqəsidi ki, bu da düzgün qurulub. Faktiki olaraq, eyni qərarlar verilir və bunu mətbuata tez çatdırmaq önəmli deyil. İstənilən halda kiçik bir qurumun məlumatlarının bir ağızdan çıxması daha məntiqəuyğun səslənir. Strukturun necə olduğunu işə başlayandan sonra daha dəqiq biləcəm.
Şərh yazılmayıb
|
ŞƏRH YAZ
|
Çox oxunan xəbərlər
- AFFA-nın yeni baş katibi o olacaq - ÖZƏL
- “Sabah”da rəhbər dəyişikliyi: Yeni prezident o olacaq - ÖZƏL
- Fərid Qayıbov narazıdır: AFFA-nın konfransını boykot edəcək - ÖZƏL
- Milli komandamızın yeni baş məşqçisi müəyyənləşib: Mayın əvvəli Bakıya gəlir
- FİFA AFFA-nın konfransında azərbaycanca danışacaq - ÖZƏL
- Zaur Qəhrəmanovun “Neftçi”dən getməsinin səbəbi məlum oldu
- Asif Məmmədov: “Kimsə bunu sübut etsə, üzr istəməyə hazıram”
- AFFA İcraiyyə Komitəsinin üzvü: “Premyer Liqada klub sayının artırılması gündəmdədir”
- Rövşən Nəcəf: “Etimadı doğrultmaq üçün əlimdən gələni edəcəm”
- Qurbanovdan nümunəvi addım
- İcraiyyə Komitəsinin yeni üzvü “Neftçi”yə gəlişini şərh etmək istəmədi: “İnşallah gələn həftə...”
- Minifutbol millimizin heyəti narazılıqla qarşılandı, baş məşqçi danışmaq istəmədi
- Prezidentin nəvəsindən Qara Qarayevə dəstək
- Basketbol federasiyasının diqqətinə: Təhlükəsizliyə bu qədər biganə yanaşmaq olmaz!
- Azər Bağırov: “Futbolçular tapşırıqları icra etmirlər”
-
18:13
“Neftçi” - “Turan Tovuz” oyununun biletləri satışd
-
18:00
Azərbaycan gimnastı: “Rəqiblərimiz bizdən çəkinirlər”
-
17:24
Hidayət Heydərov finalda
-
16:39
Azərbaycan millisinə yeni idman direktoru təyin edilib
-
16:17
Azərbaycan birinciliyi və Bakı çempionatı başa çatıb
-
15:51
Kubokun finalı: Nominal meydan sahibi və başlama saatı müəyyənləşdi
-
15:26
Millimizin üzvü Macarıstanda bürünc medal qazandı
-
13:42
“Ağdaş”ın baş məşqçisinə 5 oyunluq cəza
-
13:30
AFFA 7 klubu cərimələdi
-
13:13
“Futbolu da basketbol qədər izləyirəm”
-
12:45
Azərbaycan çempionatlarında növbəti turların proqramı açıqlanıb
-
11:34
İvan Brkiç: “Neftçi”nin şərəfi uğrunda canımızı meydanda qoymalıyıq”
-
11:08
AFFA Salyanskini əfv etmədi
-
10:21
Samir Abasov “Barselona”nın prezidenti ilə görüşdü FOTOLENT
-
09:59
"Karvan"dan 4 qollu qələbə VİDEO
-
09:47
Mahir Emrelidən Azərbaycan cüdoçularına dəstək
-
09:30
Musa Qurbanlı oynamadı, komandası yenə uduzdu VİDEO
-
23:55
Azərbaycan millisindən 2 bürünc medal
-
23:07
Azərbaycan paraüzgüçüsü Avropa Açıq Çempionatında üçüncü medalını qazanıb
-
21:31
Şahmat üzrə Azərbaycan çempionu bəlli oldu
-
20:42
Azərbaycan kubokunda finalçılar müəyyənləşdi
-
20:19
Cüdoçumuz Avropa çempionatının finalında uduzdu
-
18:28
"Bağçam"ın IV Şahmat Festivalı başa çatdı
-
17:50
U-17 millimiz Özbəkistana məğlub olub
-
17:36
AFFA Premyer Liqa klublarının maliyyə menecerləri üçün seminar keçirib
-
17:14
Heydər Əliyevin anadan olmasının 101-ci ildönümünə həsr olunmuş futzal turniri başlayıb
-
16:43
Əliyar Ağayev Fatih Terimin komandasının oyununda
-
16:27
Ağadadaş Salyanski: “Bojoviç nə qərar versə, o da olacaq”
-
16:05
Şahin Bağırov Bərdədə voleybol klubunun ilk məşqini izləyib
-
15:52
Azərbaycanlı basketbol məşqçilərinə sertifikatlar təqdim olunub
-
15:38
PSJ-nin prezidenti "Qarabağ"ı təbrik etdi
-
15:11
"Qəbələ"nin futbolçusu əməliyyat olunub
-
14:49
Azərbaycanın üç bədii gimnastı Bolqarıstandakı turnirdə iştirak edəcək
-
14:04
PFL hakim təyinatlarını açıqladı
-
13:56
Juninyo: "Qarabağ"la 2 illik müqaviləm var, amma...”
-
13:25
Akrobatika gimnastikası üzrə ölkə birinciliyi və Bakı çempionatı start götürüb
-
13:12
AFFA rəsmisi UEFA-nın iclasında iştirak edib
-
13:00
Matias azarkeşlərdən üzr istədi, boykotu düzgün saymadı: “Klubun adı oyunçulardan üstün olmalıdır”
-
12:33
Musa Qurbanlı: "Yayda nələr olacağını birlikdə görəcəyik"
-
11:49
Üzgüçülük üzrə açıq Azərbaycan çempionatı start götürüb
-
11:27
Azərbaycanın idman gimnastı Dünya Kubokunda finala yüksəlib
-
11:14
"Atalanta" İtaliya kubokunun finalında VİDEO
-
11:06
Finalda təkrarlanan 6-cı cüt
-
10:58
"Mançester Yunayted" 3 xalı 4 qolla qazandı VİDEO
-
10:45
Patrik Andrade: “4 qolluq qələbələr üzümüzü güldürür”
-
10:32
"Trabzonspor" finala yaxınlaşdı VİDEO
-
10:23
“Qarabağ” “Neftçi”yə çatdı
-
10:11
Çempionluq yolunda "Liverpul"a ağır zərbə VİDEO
-
09:59
Azərbaycan kubokunda yeni rekord
-
09:47
PSJ-dən 4 qollu qələbə VİDEO