Vitali Vernidub: “Kimisə günahlandırmaq istəmirəm”

“Qəbələ”nin müdafiəçsi Vitali Vernidubun Futbolxeber.az saytına müsahibəsi

- “Qəbələ” cari mövsüm Avroliqanın qrupunda keçirdiyi ardıcıl dördüncü oyunda da uduzdu. “Sent-Etyen”dən alınan 1:2 hesablı yenilgini necə şərh edərdin?

- Məğlubiyyətə görə çox məyusuq. Avroliqadakı hər oyunda təcrübə qazanırıq. Bu gün uduzduq. Artıq irəli baxmaq lazımdı. Avropada “Qəbələ”ni və Azərbaycanı təmsil edirik.

- Bugünkü məğlubiyyətin əsas səbəbini nədə görürsən?

- Bu haqda danışmaq çətindi. Hansısa səbəbin məğlubiyyətimizə ciddi təsir etdiyini düşünmürəm. Səhvlərimizdən uduzduq. Kimisə günahlandırmaq istəmirəm.

- Komandanın “1 nömrə”si Dmitri Bezotosnıdan elə səhv gözləyirdiniz?

- Belə səhvi heç kim gözləməzdi. Bezotosnı təcrübəli, yaxşı qapıçıdı. Komandada hamı dəsəkləyir. İnanıram ki, Dmitri başını uca tutacaq və irəliyə baxacaq

- Roman Qriqorçukun ikinci hissədə ehtiyat oyunçular sakmyasında yer ala bilməməsi çıxışınıza nə dərəcədə mənfi təsir göstərdi?

- O, tribunada əyləşsə də, köməkçiləri vasitəsi ilə göstərişlərini verirdi. Tribunadan hər şeyi daha yaxşı gördürdü. Köməkçiləri ilə əlaqə saxlayırdı.

- Fasilədə baş məşqçi komandadan ən çox nəyi tələb edirdi?

- İlk hissənin sonunda qol buraxmığımız mənfi təsir göstərirdi. O isə oyunumuzu dava etdirməyi, topa nəzarəti ələ almağı, hücumları canlandırmağımızı istəyirdi.

- Bu məğlubiyyətdən sonra “Qəbələ” qrupdan çıxmaq şansını itirdi. Qarşıdakı 2 oyuna necə motivasiya olacaqsız?

- Motivasiya baxımından hər hansı problem yaşanmayacaq. İlk növbədə özümüz., adımız, komanda üçün oynayacağıq. Biz Avrpoda həm də Azərbaycamı təmsil edirik.