“Hazırkı vaxtda mərkəzi oyun “Qarabağ” -“Neftçi” görüşü hesab edilir”

“Qarabağ”ın yarımmüdafiəçisi Rahid Əmirquliyev “Neftçi” ilə oyundan (2:0) jurnalistlərin suallarını cavablandırıb:

- “Qarabağ”da debütünüzü reallaşdırdınız. İştirakçısı olduğunuz oyun haqda nə deyə bilərsiz?

- “Neftçi” turnir cədvəlinin orta pillələrində qərarlaşsa da, çətin oyun olacağını bilirdik. Çünki “Neftçi” həmişə yaxşı, güclü komanda olub. Qələbə qazandığımıza görə şadam.
- “Qarabağ” istədiyi oyunu ortaya qoya bildimi?

- Bəzi şeylər alındı, bəzilərinə rəqib imkan vermirdi. Bu cür oyunlarda vacib olan qələbə qazanmaq idi. Biz də matçı itkisiz başa vurduq.

- Öz oyununuz necə, alındımı?

- Bir aydı yaşıl meydandan kənarda qalmışam. Zədəli olduğuma görə belə alındı. Tam formada deyiləm. Çalışacam, formamı bərpa edim. Buna görə çox çalışıram.

- Debütünüzün gec baş tutması da buna görə idi?

- Zədəm var idi, ona görə oynaya bilmirdim. İndi əsas işim formamı bərpa etməkdi.

- Erkən qol vurmağınnız oyununuza necə təsir etdi?

- Tez qol vurmağımız bizə düşərli oldu. Həm də qoldan sonra “Neftçi” də açıldı, müdafiəyə qapanmadı, açıq oyun getdi.

- Bu duel turun mərkəzi oyunu hesab edilirdi. Ab-hava necə, bundan xəbər verirdimi?

- Hazırkı vaxtda mərkəzi oyun hesab edilir. Hiss olunurdu. Hər iki komandanın azarkeşləri bunu hiss etdirməyə çalışırdı.

- “Neftçi” – “Xəzər Lənkəran” duellərinin ab-havası ilə müqayisə etmək mümkündürmü?

- Əvvəllər mərkəzi oyun “Neftçi” - “Xəzər Lənkəran” görüşü sayılırdı. Ancaq indi Lənkəran təmsilçisi yaxşı günlərini yaşamır. Ona görə atmosfer də fərqlidi. İstənilən halda bu gün meydana çıxanda oyunun əhəmiyyəti hiss olunurdu.

Mənbə: apasport.az