Tale Heydərov: “Hələlik Qriqorçukun Ukraynaya qayıtmaq fikri yoxdur”

“Mən Avroliqada bu mövsümdə birdən-birə üç mərhələ keçəcəyimizi gözləmirdim. Amma biz buna nail olduq. Məncə, bu artıq çox böyük uğurdur”. Futbolxeber.az-ın məlumatına görə, bu sözləri “Qəbələ” klubunun prezidenti Tale Heydərov deyib.

Ukraynanın "2+2" telekanalı "Qəbələ"nin baş məşqçisi Roman Qriqorçukla bağlı reportaj hazırlayıb. Reportajda R.Qriqorçuk haqda fikirlərini bildirən T.Heydərov onun fəaliyyətindən razı qaldığını deyib. “Düşünürəm ki, hələlik Qriqorçukun Ukraynaya qayıtmaq fikri yoxdur. Əgər gələcəkdə bu fikrə düşsə, biz əlimizdən gələni edəcəyik ki, onu komandamızda saxlayaq” - deyə T.Heydərov bildirib.

Klubun vitse-prezidenti Fariz Nəcəfov da qeyd edib ki, hələ uzun müddət Roman Qriqorçukla işləmək istəyirlər: “Biz son on ildə axtardığımız məşqçini tapmışıq”.

Mənbə: qol.az