AFFA-dan Ramal Hüseynova sərt cəza

Bu gün AFFA İntizam Komitəsinin növbəti iclası keçirilib. Futbolxeber.az-ın PFL-in rəsmi saytına istinadən verdiyi məlumata görə, toplantıda əvəzedici heyətlərin çempionatı və I divizionla bağlı aşağıdakı qərarlar qəbul edilib:

Əvəzedici heyətlərin XXXII turunun “Qarabağ” - “Neftçi” matçında “Neftçi” klubunun 4 futbolçusu sarı vərəqə ilə cəzalandığı üçün klub 500 manat cərimə olunur (maddə 40).

Əvəzedici heyətlərin XXXII turunun “Sumqayıt” - “Bakı” matçında “Sumqayıt” klubunun 5 futbolçusu sarı vərəqə ilə ilə cəzalandığı üçün klub 500 manat cərimə olunur (maddə 40).

Əvəzedici heyətlərinin XXXII turunun “İnter” - “Xəzər Lənkəran” matçında “Xəzər Lənkəran” klubunun 4 futbolçusu sarı vərəqə ilə ilə cəzalandığı üçün klub 500 manat cərimə olunur (maddə 40).

Oyunun 44-cü dəqiqəsində “İnter” klubunun 24 №-li futbolçusu Fuad Bayramov idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 100 manat cərimə olunur (maddə 48).

Azərbaycan I Divizionunun XXVII turunun “Şahdağ” - “Qaradağ Lökbatan” matçının 69-cu dəqiqəsində “Qaradağ Lökbatan” klubunun 27 №-li futbolçusu Ramal Hüseynov hakimi təhqir etdiyinə görə birbaşa qırmızı vərəqə alaraq meydandan kənarlaşdırıldığı üçün futbolçu 4 oyunluq cəzalanır, klub 400 manat cərimə olunur (maddə 42.3).

Azərbaycan I Divizionunun XXVII turunun “Kəpəz” - “Şəmkir” matçının 43-cü dəqiqəsində “Kəpəz” klubunun 25 №-li futbolçusu Xəyal Zeynalovla “Şəmkir” klubunun 11 №-li futbolçusu Ramil Sadiqov biri-birini təhqir etdiyinə görə birbaşa qırmızı vərəqə alaraq meydandan kənarlaşdırıldıqları üçün futbolçular 3 oyunluq cəzalanır, klublar 200 manat cərimə olunur (maddə 42.3).

Azərbaycan I Divizionun XXVII turunun “Bakılı” - “Neftçala”  oyununun 82-ci dəqiqəsində “Bakılı” klubunun 11 №-li futbolçusu Samir Mustafayev idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 20 manat cərimə olunur (maddə 48).

Azərbaycan I Divizionun XXVII turunun “Göyəzən” - “Mil-Muğan”  oyununun 49-cu dəqiqəsində “Mil-Muğan” klubunun 1 №-li futbolçusu Şöhrət Rəhimov sonuncu ümid fouluna görə birbaşa qırmızı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 20 manat cərimə olunur (maddə 48).