“Tuhelin gəlişindən sonra “Bavariya”nın vəziyyəti daha da pisləşib”

Almaniya millisinin sabiq üzvü Ditmar Hamann “Bavariya”nın yeni baş məşqçisi Tomas Tuheli tənqid edib.

Futbolxeber.az saytının məlumatına görə, veteran yarımmüdafiəçi “Sky90”ın efirində bildirib ki, Tuhelin gəlişi ilə “Bavariya” geriləyib:

“Klub rəhbərliyi düzgün qərar qəbul etməyə bilər. Lakin məşqçi də özünü gülünc duruma salıb. Əgər Tuhel çempionluğu da əldən versə, o zaman dəqiq vəzifəsindən qovulacaq. Mən çox nadir hallarda görmüşəm ki, baş məşqçi dəyişikliyindən sonra komanda faciəvi duruma düşsün. “Bavariya”da məhz bu vəziyyət yaşanır”.

Qeyd edək ki, Tuhel “Bavariya”nı bu ilin martından çalışdırır. O, baş məşqçi postunda Yulian Nagelsmannı əvəzləyib.