Taner Özbek: "Hər ehtiyacında "Neftçi"nin yanında olacağıq"

“Liv Bona Dea Hospital”ın baş direktoru Taner Özbek “Neftçi” ilə əməkdaşlıq müqaviləsinin imzalanma mərasimində çıxış edib.

Futbolxeber.az saytının məlumatına görə, o deyib: “Azərbaycana yeni gələn marka olaraq xoş gördük. “Liv Hospital” artıq buradakı qardaşlarımıza da xidmət edəcək. Türkiyədə də idmana dəstək veririk. Eyni baxışı Azərbaycanda da sərgiləmək istəyirik. Azərbaycanın ən köklü klublarından biri ilə əməkdaşlığa başlayırıq. Bunun hər iki tərəfə uğurlu olacağına inanırıq. Hər ehtiyacında “Neftçi”nin yanında olacağıq. Onlar da bizə ilk qucaq açanlardan oldular. Kluba və bütün dəstəkçilərinə təşəkkür edirik”.

T.Özbek bildirib ki, bundan sonra futbolçuların müalicəsinin ölkə daxilində olmasını planlaşdırırlar: “Bütün müalicələrin burada olmasını istəyirik. Amma tamamlanmamış bəzi məsələlər olanda risk etməyəcəyik. Öncəliyimiz burada olmasıdır. Əməliyyatlar üçün imkanlar var. Daha da yaxşı olacaq”.