“Olimpiya"nın hücumçusu: "Qalatasaray" "Qarabağ"dan güclüdü"

"Nə qədər ciddi rəqibə qarşı oynayacağımızı yaxşı bilirik. Güclü komandalara qarşı oynamağa öyrəşmişik. Son rəqibimiz Türkiyənin “Qalatasaray” klubu idi ki, onun da “Qarabağ”dan güclü olduğunu düşünürəm. Amma buna baxmayaraq, bizi "Qarabağ"a qarşı də çətin oyunlar gözləyir". Futbolxeber.az saytının məlumatına görə, bu fikirləri Sloveniyanın "Olimpiya" klubunun portuqaliyalı legioneri Ruy Pedro bu gün Avropa Liqasının pley-off mərhələsinin “Qarabağ”la Lyublyanada keçiriləcək ilk qarşılaşması haqda danışarkən deyib.

25 yaşlı hücumçunun fikrincə, komandasını Azərbaycan çempionuna qarşı ağır görüş gözləyir: "Azərbaycan klubunun Avropada böyük təcrübəsi var. Ambisiyaları olan komandayıq və Avropa Liqasının qrupunda oynamaq istəyirik. Ümidvaram ki, qalib gələn tərəf biz olarıq".

Xatırladaq ki, "Olimpiya" Çempionlar Liqasında "Qalatasaray"a qol vurmadan yenilib - evdə 0:3, səfərdə 0:1.