“Neftçi” “Şaxtyor”un yarımmüdafiəçisi ilə güclənmək istəyir

“Neftçi” Ukraynanın “Şaxtyor” klubunun yarımmüdafiəçisi Dmitri Topalovla maraqlanır.

Futbolxeber.az saytının Ukrayna mətbuatına istinadən verdiyi məlumata görə, tərəflər arasında artıq danışıqlar başlayıb. Paytaxt təmsilçisinin 27 yaşlı futbolçuya ilkin olaraq 6 aylıq müqavilə təklif etdiyi bildirilir.

Qeyd olunur ki, əgər Topalovun oyun performansı gözləntiləri qarşılayarsa, ona bir illik müqavilə təklif olunacaq.

Məlumata görə, komandanın baş məşqçisi Yuri Vernidub bu transferə maraqlıdır və rəhbərliyə oyunçu barədə müsbət rəy verib.