25 Sentyabr 2018, Çərşənbə axşamı
Elxan Məmmədov da uduzdu
Bordin və Abasov cəzalandı
Hakim təyinatları müəyyənləşdi
TPL: V turun oyun cdvəli açıqlandı

Ölkə futbolu

Səfərdə 200-cü qol, Dabo 7-ci, Bezotosnı 4-cü oldu

Topaz Premyer Liqasının XII turunun “Neftçi” ilə oyununda komandamızın ilk qolunu vuran Baqali Dabo “Qəbələ”nin heyətində 17-ci qolunu vurub.

Futbolxeber.az-ın klubun saytına istinadən verdiyi məlumata görə, o, “qırmızı-qara” formada keçirdiyi 43-cü matçda buna nail olub. Hücumçu orta hesabla hər matçda 0,40 qola imza atıb.

Dabo bu qolla “Qəbələ”nin tarixində ən çox fərqlənən futbolçuların siyahısında Filip Ozobiç və Yannik Kamanana çatıb. Hərəyə 17 top vuran bu oyunçular bombardirlərin siyahısında 7-9-cu yerləri bölüşürlər. Lakin Baqali digərlərindən daha az oyunda bu qədər qol vurub. Filip 53, Yannik 68 matç keçirib.

“Neftçi” ilə oyunda vurulan sonuncu qol da “Qəbələ” üçün əlamətdar olub. “Qəbələ”yə 3:2 hesablı qələbə qazandıran top “qırmızı-qaralar”ın Premyer Liqada səfərdə vurduğu 200-cü qol olub. 2006-cı ildən yüksək liqada mübarizə aparan “Qəbələ” 200-cü qolunu 174-cü matçda vurub. Səfər oyunlarındakı orta məhsuldarlıq 1,15-ə bərabərdir. Rəqib meydanlarında vurulan 200-cü qolun müəllifi isə Stiven Monroz olub.

Bu görüşdən sonra Dmitri Bezotosnı “Qəbələ”nin heyətində ən çox oyun keçirən futbolçular siyahısında 4-cü pilləyə yüksəlib. “Neftçi” ilə görüş ukraynalı qapıçının “qırmızı-qara” formada 123-cü matçı olub. Bununla da Dmitri 122 matç keçirən Samir Zərgərovu arxada qoyub. Yalnız üç oyunçudan - Ürfan Abbasov (169), Dodo (161) və Viktor Mendidən (127) geri qalan qolkiper mövsümün sonunadək daha bir pillə irəliləmək imkanına malikdir.

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Sentyabr 2018
B.eÇ.aÇC.aCŞB
01 02
03 04 05 06 07 08 09
10 11 12 13 14 15 16
17 18 19 20 21 22 23
24 25 26 27 28 29 30





Click to Visit