Təbriz Həsənov: “Layiqli qələbə qazandıq”

"Çətin oyun oldu. Bolqarlar da qələbə qazanmaq istəyirdi. Komandamız bu gün daha yaxşı oynadı. Layiqli qəbələ qazandıq”. Futbolxeber.az-ın Sankt-Peterburqa ezam olunmuş əməkdaşının verdiyi məlumata görə, bu sözləri 17 yaşadək futbolçulardan ibarət milli komandamızın baş məşqçisi Təbriz Həsənov Valentin Qranatkinin xatirəsinə həsr olunmuş beynəlxalq turnirin ikinci turu çərçivəsində Bolqarıstana qarşı keçirilən oyundan sonra deyib.

Təbriz Həsənov komandasının istəkli olduğunu qeyd edib: “Bu gün komandam istəkli idi. Uşaqlar qalib gəlməyi çox istəyirdilər. Hər top uğrunda mübarizə aparırdılar. Bilirdik ki, bolqarlar mərkəzdə yaxşı çıxış edirlər. Rəqibin zəifl cəhətlərindən yararlanmağa çalışırdıq. Mən komandadam qol vurduqdan sonra müdafiəyə daha çox diqqət ayırmağı tapşırmamışdım. Bunu özləri seçdilər. Müəyyən qədər yorğunluq da var idi. Bu oyun da göstərdi ki, ilk matçdakı gərginliyi üzərimizdən atmışıq”.