“Bakı-2015”: Daha 2 boksçumuz yarımfinala yüksəldi

Bakı-2015 Avropa Oyunlarında boks yarışları davam edir. Futbolxeber.az-ın məlumatına görə, bu gün daha 2 boksçumuz 1/4 final döyüşünə çıxıb.

Kişilər arasında 75 kq çəkidə mübarizə aparan Xaybula Musalov 1/4 finalda belaruslu Vitali Bandarenka ilə üz-üzə gəlib. Boksçumuz hər 3 raundda (29:28; 30:27; 29:28) rəqibindən üstün olaraq adını yarımfinala yazdırıb.

60 kq-da mübarizə aparan qadın boksçumuz Yana Alekseyevna 1/4 finalda rusiyalı Zinayda Dobrinina ilə qarşılaşıb. Rəqibinə şans tanımayan (40:36; 39:37; 39:37) boksçumuz adını yarımfinalçılar sırasına yazdırıb. Finala gedən yolda Alekseyevna olimpiya çempionu, 4 qat dünya və 5 qat Avropa çempionu, irlandiyalı Keti Teylorla üz-üzə gələcək. Qarşılaşma iyunun 26-da saat 12:45-də start götürəcək.