8 May 2024, Çərşənbə
"Araz-Naxçıvan"dan "qızıl dubl"
Millimiz Türkiyəyə də uduzdu
Diniyev: "Deyiləcək söz yoxdur"
Sxadadze ilk qələbəsini şərh etdi

Ölkə futbolu

“Səbail”in qapıçısı: “Prius”lardan uzaq durun”

“Konkret olaraq kumirim yoxdur. Amma ən bəyəndiyim qapıçı İker Kasilyasdır”.

Futbolxeber.az saytının məlumatına görə, bunu Azərbaycan millisinin və “Səbail”in qapıçısı Emil Balayev klubun instaqram səhifəsinə müsahibəsində deyib. 

29 yaşlı qolkiper bildirib ki, Petr Çex və Canluici Buffon kimi qapıçılara da böyük hörmət bəsləyir.

Balayev hazırkı klubundan da danışıb. O, “Səbail”də mehriban kollektiv formalaşdığını bildirib: “Konkret bir nəfəri deyə bilmərəm. Fikirləşirəm ki, mənə ən yaxın olanlar Ağabala Ramazanov, Mirabdulla Abbasov və Rahid Əmirquliyevdir”.

Qapıçı, ən texnikalı, qüvvətli zərbələri olan və istedadlı oyunçuları da açıqlayıb: “Ən texnikalı Ağabala, ən qüvvətli zərbəyə sahib oyunçular Rahid və Mirabdulladır. Ən isteadadlı oyunçu isə qapıçı Sadiq Məmmədzadədir”.

Balayev “Ən yaddaqalan oyununuz hansıdır” sualına bu cür cavab verib: “ASCO Arena”da “Qəbələ”ni 2:1 hesabı ilə məğlub etdiymiz matç qeyd edərdim. Bu, doğma meydanda ilk qələbəmiz idi. Millidə isə Xorvatiyanı Bakıda 2:1 hesabı ilə yendiyimiz görüşü fərqləndirərdim. Debüt oyunum idi. Əla qarşılaşma alınmışdı”.

Motosiklet sürməyi sevən Balayev sonda sürücülərə məsləhət verib: “Prius”lardan uzaq dursunlar (gülür). Həm də yol-hərəkəti qaydalarına əməl etsinlər. Atalar sözümüz var ki, ehtiyat igidin yaraşığıdır. Düzdür, motosikleti idarə etmək təhlükəlidir. Amma düzgün istifadə etsən, müəyyən limitləri aşmasan, o qədər də qorxulu deyil”.




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

May 2024
B.eÇ.aÇC.aCŞB
01 02 03 04 05
06 07 08 09 10 11 12
13 14 15 16 17 18 19
20 21 22 23 24 25 26
27 28 29 30 31